Oblíbené biblické verše z Rô-ma 1

Sdílet

Ngan bei nei, hei 'bưn prêêng mat teq u Baak Sroong Klanh laang, đươm au laa dang kmheng Brah Ưn ri jah đoh jôm bnih jơ, noor laa bnih Jo-thai, a kươi lah bnih raih agaih.

Đươm knông Baak Sroong Klanh au, baak sêch song Brah Ưn ri kươt tơrsau a chưt jơrnơ tơt chưt jơrnơ, bei geh baak 'bian: “Bnih sêch song a kươi rêh đươm chưt jơrnơ.”

Ntil ơơn u Brah Ưn baah mat rơơi 'bưn sau kươt, nei laa dang kmheng yoot yôw u kmlơơt wêêng Pang ri, nei kơndaal a bơh tơmbut bu nday ja grnưt srlah srlom tơt mơq rwach pal pai tơmbut Pang ri; nei mơ bu 'bưn pôn dmôw kươt.

Đươm paich ja gưt Brah Ưn, bu nha 'bưn sang lơơk lư Pang laa Brah Ưn u 'bưn or Pang, dôh khang gênh ngrơi ntơi; chưt nuih kn'hung kn'hông bu ri but mang jơ ngôw.

đươm bu ja gơl song klanh Brah Ưn ri jah pơih baak lhiat; bu tư wơơl u jraih kaar pai pơsun gơl đươm Yaang Tơmbut Pơsun, laa Yaang dip kươt pơt wơơl yoot yôw! A-men.

Baak hao nuih Brah Ưn ri a lơ trôôk kươt tơrsau jah ta wal kươi jôm baak pnjrơm u đơơk đaak pal bah nhôq baak đơơk đaak baah pnđơơt song klanh.

Đươm rơ kheet nei baah Brah Ưn ja ndơơp bu aan jrôq jrơm prêêng mat. Leq dơng mei dơur kot ja gơl ndroong ta gôq ta dơk êêng ơơm lôh but ta wal kươi êêng ơơm. Bơl klau kot bei nei, teq ndroong ta gôq ta dơk êêng ơơm n'hai dơur jah ta jêr jrôq jrơm ta pôl, di klau lơh jrôq jrơm n'hai klau, u nơơm bu phrui dol baak phaat ta dip teq u baak tơrlêêng nơơm bu ri. Đươm bu 'bưn êch gưt Brah Ưn, mơ Brah Ưn ja teq lơơi bu aan chưt gơrninh khuit khwait jah lơh pal ntil 'bưn dip.

Bu sơm êêng chhak nơơm laa jhai rpach, dôh ja but wơơng pniêm. Bu ja gơl chring chraang Brah Ưn ri 'bưn luôch jah pơih pơsun koon bnih ri luôch lêêk, paich jôm ntil chum chooch, pai gwaal, paich til pai rwin.