Oblíbené biblické verše z ମାତିଉ 26

Sdílet

“ପରିକ୍ୟାତାୱା ଇନିମିଡି ଦିଃଏରି, ଏଦାବାଗା ଜାଗ୍ରତ ଆନ୍ ପ୍ରାତ୍‌ନା କିଦୁ; ଡିଙ୍ଗା ଇଚ୍ଚା କିନ୍ନେ ନିଜ୍ଜା, ମତ୍ର ଗାଣ୍ଡି ଦୁର୍ବଲ ।”

ଏଚିତୁକାତାୱା ଏୱାଞ୍ଜି ଏୱାରିକି ୱେସ୍ତେଞ୍ଜି, “ନା ପରନ୍ ହାଇନ୍ନି ଲାକ୍କାଟି ଗାପ୍‌ଚି କଲିବିଲି ଆଇନେ, ଏଦାକି ମିରୁ ଇଦିମ୍ୱା ମାଞ୍ଜାନାହି ନା ଡ଼ାହି ହୁଞ୍ଜେଟେଃଏ କାତାଟୁ ।”

ଆଟେ ଏୱାଞ୍ଜ୍ ହିତେ ଦେହା ହାଜ୍ଜାନ୍ ୱିର୍ରାତାୱା ପାଟ୍ଟିମ୍ଲାଙ୍ଗାନ୍ ପ୍ରାତ୍‌ନା କି କି ୱେସ୍ତେଞ୍ଜି, “ଏ ନା ଆବା, ଜଦି ଆଅନ୍ ମୁନେ ଇଚ୍ଚେସ୍ ଇ ଉନ୍‌ବା ଗିନ୍ନା ନା ତାୱାଟି ଦେହା ଆପାକାଦି; ମତ୍ର ନା ଇଚ୍ଚା ଆଃଆକାଦି, ମତ୍ର ନି ଇଚ୍ଚା ଆପାକାଦି ।”

ଇନାକି ଇମ୍ୱିନ୍ ଚୁକ୍ତିତି ରାକ୍କା ଏଗେଲ୍ ଦାଲ୍ଲାତି ପାପ ମାକ୍‌ସାଡ଼ି ବାଗା ବଙ୍ଗାନ୍ନେ, ଇଦି ନା ଏ ରାକ୍କା ।

ଆଟେ ଏୱାରି ତିନ୍‌ବା ଉନ୍‌ବା କିଚ୍ଚି ତୁକାତାୱା ଜିସୁ ରୁଟି ଅଆନ୍ ମେଲା କିତେଞ୍ଜି ଅଟେ ଏଦା ପାହେଡ଼୍ କିଆନ୍ ଗ୍ରାମ୍ୱାଗାଟାରିକି ହିଆନ୍ ୱେସ୍ତେଞ୍ଜି, “ଇନ୍ଦାଟୁ, ଇଦା ତିଞ୍ଜୁ, ଇଦି ନା ଗାଣ୍ଡି ।”

ଆଟେ ଏୱାଞ୍ଜି ଉନ୍‌ବା ଗିନ୍ନା ଅଆନ୍ ଦନ୍ୟବାଦ ହିତେଞ୍ଜି ଅଟେ ଏୱାରିକି ହିଆନ୍ ୱେସ୍ତେଞ୍ଜି, “ଇମ୍ୱାଟି ହାବେତାତେରି ଉଣ୍ଡୁ

ଆଟେ ଏୱାଞ୍ଜ୍ ଗ୍ରାମ୍ୱାଗାଟାରି ରେଃଏସ୍ ୱାନ୍ ଏୱାରିକି ହୁଞ୍ଜାଚ୍ଚା ହୁଡ଼ିତେଞ୍ଜି ଅଟେ ପିତରନିକି ୱେସ୍ତେଞ୍ଜି, “ମିରୁ ର ଗଣ୍ଟା ୱାଡ଼େ ହୁଞ୍ଜେଟେଃଏ ନା ଡ଼ାହି ମାନ୍‌ବନ୍ ମୁଃଆତେରିମା ?”

ମତ୍ର ନାନୁ ମିଙ୍ଗେ ୱେସ୍‌ପିଞ୍ଜା, ନାନୁ ନା ଆବାତି ରାଜିତାୱା ମି ଡ଼ାହି ପୁନେସ୍ ଅଙ୍ଗୁରନିରୁ ଉଣ୍ଡାହେଃଲ୍ଲାନ୍ ଟିକ୍‌ନା ନିଞ୍ଜୁଟିଆଟି ଅଟେ ଅଙ୍ଗୁରନିରୁ ଏଚ୍ଚେକ୍‌ୱାଡ଼େ ଉଃନ୍ନେନୁ ।”

ଏମ୍ୱାଟି “କଜ୍ଜୁ କ୍ଲାଃଟେଃଏ, ନିନୁ ନାଙ୍ଗେ ମୁଅଲି ଅସ୍ପିକାର କିଆଦି ।” ଇମ୍ୱିନ୍ କାତା ଜିସୁ ପିତରନିକି ୱେସାଚ୍ଚେଞ୍ଜି, ଏ କାତା ପିତରନିକି ଏଲୁ ଦିତେ । ଆଟେ ଏୱାଞ୍ଜି କାଟ ହାଜ୍ଜାନ୍ ଏଗେଲେଃଏ କଲିବିଲି ଆନାହି ଡ଼ିତେଞ୍ଜି ।

ନିଙ୍ଗାଟୁ, ମାରୁ ହାନ୍ନା, ହୁଡ଼ାଟୁ, ଏମ୍ୱେନାଞ୍ଜି ନାଙ୍ଗେ ସତ୍ରୁ କାଜ୍ଜୁତାୱା ସର୍ପି କିଆନେଞ୍ଜି, ଏୱାଞ୍ଜି ଟାକ୍କେ ଏତାତେଞ୍ଜି ।”

ଏମ୍ୱାଟି ଜିସୁ ପିତରନିକି ୱେସ୍ତେଞ୍ଜି, “ନି କଣ୍ଡା ଇମ୍ୱିନ୍ ଗର୍ରିତାୱାଟି ୱେଚାଚି ଏ ଗର୍ରିତାୱା ଇଟ୍ଟାମୁ, ଇନାକି ଏମ୍ୱେନାରି କଣ୍ଡା ଆହ୍‌ପିନେରି, ଏ ହାବେତାରି କଣ୍ଡା ଡ଼ାହି ନାହେଡ୍ ଆନେରି ।