Oblíbené biblické verše z Maruko 6

Sdílet

'alrana kakazuwanan na muwa'iva'ivat na trau, i Yēsu zi tu temakesi arusay za iniyan za wari mekan, semeneng kema marengay i Yēsu kanazu: <<alamu i inmu, kurelrang kaninku mukuwa i dawilr kana zekalr na kinazuwan temalaulepa dika.>>

i Yēsu marengay kanazu: <<na patralritralri kazu kanta i zekalr, za mawan, za ruma' i panayan salaw kikaira za trau.>>

a mukaitrasan kana dare' i Yēsu, mena'u kanini na mulepun na trau, zi purelraman i anger, 'alrana kamawan kana siri na iniyan za puwarikan kanazu. kemirakaz panadam kanazu za sazu a lremak i intaw.

mawna kemani, i intaw kazu i kazekalran kantaw 'azi pupana za eman a karepalripalri, mawmau demikes kana papida na kuwaaleng na trau, paka'inava kanazu. kema ta kananni na trau kanantu 'azi pakutatena' mu, salaw pakumelri i intaw. i Yēsu patrutru kazu i dalrep kana zekazekalr panadam za trau.

i Yēsu melak kana lruwatra na pang zi zuwaya na vulraw, teme'ang mena'u piyaitras, lrayuwan kana Viruwa i itras, zi penisa' kana pang, temuluz veray kana temakesi, zi na temakesi paniniy veray kana mapiya. mararesan, zi na zuwaya na vulraw tu paniniyanay lra. mekan mapiya, pawnung vetratrekeran mapapiya lra. na temakesi tu azukaw na sama' na pang zi na vulraw mu muavak za muketrep zi zuwaya 'arayan.