Oblíbené biblické verše z Luka 8

Sdílet

na mutani kana 'inava na dare' na 'apiyar maw kema kana trau nu kinger kana vati mu, mianger za 'inavayan zi penatezelr patrutru miturus, penakasa mengangara, palru za mivuwa' i intaw.>>

na mutani kana su'asu'ar i savakan na 'apiyar mu kema kana trau na kinger kana vati, mawmu mavangavang i wayway, mukezeng kana piniemanan zi pa'inava za semasaharan, paziyazi lra kanantu iyavaaw kanini na vati, 'azi maruwa mutulre'ay mivuwa'.

na mutani kana varasarasa' na 'apiyar mu maw kema kana trau a kinger lra kana vati mu semangal kituluz, mawmu na vati kazu kanantu anger i savakan 'azi pasavak merami; dika pakutatena' a azu nazu, mawmu nu muelep za lralrimaw mu 'azi katiyakezir.

kiyumalr kanazu i Yēsu: <<ulra i iyan nanmu pakutatena'an awa?>> salaw pakumelri zi mare'alav nazu, mazayazayar nazu: <<i eman i ini na trau? semeratr kana vali zi na kelun i intaw, kemazu mukinger na vali zi na kelun kantaw!>>

na mutani i ngaydiran kana dalan na 'apiyar mu maw kema kana trau nu kinger lra kana vati, zuwa lra na palrar, tu 'araway ini na vati kemay kanantu anger, zi 'azi lra maruwa kivaaw pakalrang kanantu pakutatena'an.

na muvulri na lremak ziya 'azika'azi mupana kikalrazam, na ivulri ilrasez na lremak ziya kemazu kikalrazam, kalrazamaw za trau.

izu na vavayan malrazam za 'azi lra pakavulri i intaw, zi herareheran zuwa malrituzuwa kani Yēsu i kakuyan, kazu kana trau mapiya i ngawayan marengay kani Yēsu, za kemuda zi semihiyu kantaw, zi kemudakuda 'inava lra payas. marengay kantaw i Yēsu: <<alrak, nannu pakutatena'an venaaw lra kannu! ping-an uruma' lra mu.>>

na temakesi mukuwa i ngawayan kantaw, venalruk kantaw, marengay: <<sinsi, sinsi, 'azi mi lra kavaaw a!>> muvalruk i Yēsu, semeratr maselru kana vali zi na kelun, na vali zi na kelun mu maziyazi, ametreh na danaw i itras.