Oblíbené biblické verše z Yohanē 10

Sdílet

musavak na male'es, 'azi mamelri maw na tratrakaw, piyanatray, pakakuwatreng; zanku iyazuwa na pauwayan mu maw na paelak za uwavaawan kanazu, pawnung maw na merevaw na uwavaawan.

<<maw ku a 'inava na purarikan; na 'inava na purarikan muramawan kanantu takulris muwai gisē.

nanku takulris kinger kananku lrengaw, malrazam ku kanazu, zi kuwarelrang kaninku nazu.

veray ku kanazu za uwavaawan munayun, nazu 'azi kiyanatray; nu i eman lra mu 'azi kararuwa kemay kananku lima 'emaraw kanazu.

maw ku na sulray; izu na makalrang kaninku musavak mu, 'azika'azi pa'inava, pawnung karuwa musasavak mupapana, zi kaatrevung za tralutralun.

maw ku na 'inava na purarikan. kamawan kana malrazam i Amalri kaninku, malrazam ku kani Amalri. mararesan, malrazam ku kananku takulris; kemazu nazu malrazam kaninku. muwai ku muramawan kanazu gisē.

izu na veray kaninku kanazu i Amalri mu maraayawayawan kana eman ziya, iniyan za trau kararuwa 'emaraw kanazu kemay kanantu lima ni Amalri. i Amalri zi inku maw a sasa.>>

maw ku na 'inava na purarikan. kamawan kana malrazam i Amalri kaninku, malrazam ku kani Amalri. mararesan, malrazam ku kananku takulris; kemazu nazu malrazam kaninku. muwai ku muramawan kanazu gisē.

iniyan za trau maruwa melak kananku uwavaawan, maw i inku na muwai gisē; ulra ku kezang gisē, zi mikezang masasalr melak. i ini maw i Amalri na semeratr pakikarun kaninku.>>

kemazu zi, masasalr ziyan marengay i Yēsu kanazu: <<penazangala ku marengay kanmu, maw ku na sulray kana takulris.

na muwavales kikarun mu amelri na purarikan, na takulris amelri nintaw. nu mena'u i intaw kana suwan i alalas, zi meretra' kana takulris penusar; na suwan i alalas 'emevang kana takulris, mavuraw penapusar na takulrikulris.

marengay ziyan i Yēsu: <<kemapazangala ku marengay kanmu, izu na 'azi makalrang i sulray musavak kana puwatakulrisan, zi kemay saninin muharaharang musavak mu, maw na matrakaw, maw na male'es.