Oblíbené biblické verše z Lukás 3

Sdílet

Zeñtté manúc beggúne bápṭisma loiyé, Isá ye yó bápṭisma loiyé. Íba dua gorér de októt asman kúligiyoi, aar Pak-Ruh hoitor or ḍóilla jisím or súrote Íbar uore lami aiccé. Aar asman ottu eggwá abas aiccé de, “Tuñí Añr adorja Fua, Añí Tuáñre lói bicí kúci.”

hétunot Yaháya ye zuwabe ítara beggún ore hoór de, “Añí toh tuáñra re fanít éna bápṭisma díh; montor zibár tokka añr túaro ḍoóñr Íba aiyér; añí Íbar cenṭár or fíta kúli bolla úddwa laayek no. Íba ye tuáñra re Pak-Ruh edde ooin loi bápṭisma díbo.

Touwá lói mil há de héndilla gulagala ókkol dóro, aar nizor dil ot endilla howát no doijjo de ki, ‘Añára ttu toh baf ísafe Ibrahím asé.’ Añí tuáñra re hoóir, Alla ye sailé e cíl lun ottu yó Ibrahím olla fuain foida gorí fare.

Aar ehón toh gas or gurat kuróil raká gíyeh. Hétolla, ze gas ot gom gula no dóre, yíba re haṛi ooin ot félaidiya zaybo.”

Zendilla nobi Yesáyahr kitab ot leikká asé: “Moidan zagat ezzone guzori-guzori eén hoór, ‘Mabud or foñt toiyar goró, Íbar rasta uzu goró. Fottí gúna bóra zaybo, fottí faár edde murá fúwan gorá zaybo. Behañsúra foñt ókkol uzu gorá zaybo, ṭeéilameila rasta ókkol fúwan gorá zaybo, aar fura insán zati ye Allar nejat dekíbo.’ ”