Oblíbené biblické verše z Lukë 3

Sdílet

Jaan bɩaa' nyüüa 'fɩɔ 'nɩwlipapakʋ nɩ, 'ɔnya 'pa bɩa Jesu 'nɩwli. Jesu bibie Nyɔsʋa, cɛ nya ‑jieroklɩ, 'Nyüna ‑Susu nya 'cere 'ɔɔn ‑gälɩ ‑beere ‑sögö. Mlɩa wii nya ja cɛa mlɩ: «‑Mɔ bä 'na plɛ ‑gälɩa 'Jʋ, ‑mɔ bä 'na dɔrʋ ‑gböösa.»

'Ɔnya ‑gbala 'üa 'fɩɔ: «'Mɔɔlɔ nɩ, 'nɩ 'n 'paa 'amɩ 'wli; ‑maa nyɔɔlɔ ‑sɔɔrɔa' 'wʋ ɔ ‑sia' 'mɩ 'wʋ nya jia, 'nyɩ 'lɩ ‑a bɩa 'mä 'ɔa 'siia pɩa ‑jie. 'Ɔnya 'amɩ 'Nyüna ‑Susu nyra kapu 'wlipaa.

'Ba srara nʋnʋgbili ‑gbalaa' nyüü 'sɩrɩ 'anya 'a ‑balʋ 'pie. 'Anyɩ 'daa 'ana plɛklɩ ‑maa: ‹Abraamë bä ana tʋ!› 'Amɔ 'n ‑gbala, Nyɔsʋa 'mrɛɛ ɔ nrörö ‑taa 'täkëlë kʋa' ‑pɩ Abraamëa 'jü 'lɩ.

‑Bɛ ‑tɛ 'a 'nɩmɩ tiia tigblii 'lɩ 'pala: tuulu 'nyɩ tʋa' 'cɩca 'bü nɩ, 'unya 'kalaa 'kä 'unya kapu 'lɩ bere.»

'sɩrɩ 'i ‑jɩjra käa' nyɔsʋaamlɩpalanyɔɔ Esaiia ‑pɔɔkʋ 'lɩ: Nyɔɔa wewewii ja ‑aaga 'lɩ: 'Ba ‑nyɩgla 'Pläkänyɔɔa 'trii 'kä; 'ba ‑gägä 'ɔa 'nyifi 'klɩ! 'Bütügbëa 'fɩɔ nya kalaa, 'dʋgbëa 'fɩɔ nya 'wʋciea, dɛɛlɛ 'kpɩaa' 'ɛnya 'klɩgääläa, bʋbɔnyifi nya 'känyɩglaa. 'Kä nyüüa 'fɩɔ nya Nyɔsʋaa 'lɩmlɩbanyɔɔlɔ Nyɔsʋaa jaa' 'jä.