Oblíbené biblické verše z Jenɛɛsë 17

Sdílet

Abramë kä käa' ‑sɩa ‑glʋɩmlɔɔ ‑sɩ ‑pʋ ‑sɩ ‑uunmlɔɔ nɩ, Yawe 'tɔrɔ kä 'ɔɔn 'nyü ‑gälɩ 'ɔnya ‑gbala 'ɔɔn: «'Mɔɔ bä Ɛlë Sadaii. 'Nyɛrɛ 'na 'papawiia 'mlɩ, ‑nyɔɔ 'nyɩ 'kplara ‑mɩ wii 'plɔʋ!

‑Na 'nyrɩ ‑ka ‑nëmä Abramë ‑a bä, ‑maa Abraamë ‑nëmä ‑mlatɩ bä; 'be 'nyaa ‑mɩ 'plä 'kɔkɔmlɛa tʋ 'lɩ nrörö.

'Nyaa ‑mɔ ‑bɛ 'mɔɔa ‑tɔrʋpɩɔ 'na kuö ‑tʋa, nyra ‑na 'jüa 'jü, nyra 'üa 'jüa 'jü, 'plɔʋ ‑plɔʋa ‑gʋ. 'Asɩ 'n bäa' ‑na Nyɔsʋa, 'asɩ 'n bä bɩa ‑na 'jülü ‑gua' nyra ‑mülü nëmäa' ‑mɩ dɛrɩ ‑glooro, 'üa Nyɔsʋa.

«‑Jää 'na kuö 'nyraa ‑mɔ 'paa': ‑nya 'plä 'kɔkɔmlɛa tʋ bäa.

'Iibäa' Nyɔsʋa nɩ: «‑Mä 'sɩ 'i 'nyɩ bä, ‑na 'ŋlʋʋ Sara nya ‑mɩ nyɩbɛjʋ ‑nyɩa, 'kä ‑nya 'ɔɔn Isaakë 'dara. 'Ɔɔ nyra 'mɔɔ 'mä 'na kuö 'pa; kuölä 'mäa' 'lɩwlɛ 'plɔʋplɔʋa ‑gʋ nyra 'ɔa 'jüa 'jüa ‑gʋ.

‑Tʋtʋlʋ kʋa' ‑pɩ, u kä ‑gälɩ bäa' nyɔtugbanyɔɔ nɩ, Kanaan a ‑taa ‑tʋtʋlʋa 'fɩɔ 'nyaa ‑mɩ 'uun ‑nyɩa ‑mɔ ‑bɛ ‑na 'jüa 'jüa 'jü. 'Ünya 'uun käa 'plɔʋ ‑plɔʋa ‑gʋ, 'kä 'nyaa 'üa Nyɔsʋa bä.»

Abraamë nya blö ‑tʋtʋ ‑gälɩ 'ɔnya ‑gbri 'wli 'kä 'ɔnya si. 'Ɔnya 'pala plɛklɩ wii 'ɔ ‑nëma: «Nyɔɔ nyaa' ‑sɩa ‑glʋɩgböö (100) ‑si nɩ, 'jʋ 'plɛɛ 'ɔ ‑ka 'mrɛɛ 'ɔmä ‑gu le? Sara nya kä ‑sɩa ‑glʋɩmlɔɔ ‑bɛ ‑pʋ, 'jʋ 'plɛɛ 'ɔ ‑ka 'mrɛɛ 'ɔmä ‑gu le?»

Nyɔsʋa nya ‑gbala 'sɔɔwʋ Abraamë: «‑Ka ‑nëmä ‑na 'ŋlʋʋ Sarai ‑a were; 'ɔɔ bä mlatɩ Sara.

'A kä 'amä 'bölö, 'a 'bölökʋlʋ 'uu bä kuöa tie ana ‑tɔrʋpɩɔ.

‑Maa Isaakë, 'nyraa 'ɔɔn 'mä 'na kuö 'pa, 'jʋlɔ Sara nëmäa' ‑mɩ ‑nyɩ ‑sʋlʋ jöa' 'ia 'samaa 'taɩn 'doolʋa 'mlɩ.»

'Asɩ 'imä 'lɩpɛprɛ 'plɔʋplɔʋ 'ana 'lɩgoglokʋ. Nyɩbɛjʋ 'kä 'ɔmä 'bölö 'ɔa jrüü ‑uuntääa ‑srɩ 'lɩ. 'I kä 'imä ‑na nyuköli nrörö: nyɔtugbanyɔɔ ‑sua' ɔnyɩa' ‑na nyɔɔ bä, ‑bɛ 'ɔ bäa' ‑na nyükölia ‑geei kä bɩa 'ɔmä 'bölö. ‑Geei 'ü ‑glooroa' ‑na ‑nyɛɛ nyra ‑geeilɛ ‑sua', 'ü kä 'ümä bɩa 'bölö. 'Asɩ 'na kuö 'mä 'ana 'jajɛ 'lɩ bä ‑beere 'plɔʋplɔʋa kuö.