Oblíbené biblické verše z Lucas 11

Sdílet

No si'kamo nin tawo nin sikakasalanan ket tanda' moyoy mamin mabistan bubagay konran a'nak moyo, lalo yayna si Ama a itaw sa langit. Ibi ta ibi nayan Dios a Ispirito na konran manawat kona.”

Kanya' anaod nin, kidawat kamo konan Dios nin say matkap moyo ket byan nakamo. Ituluy-tuloy moyoy manumog kona ket tulungan nakamon manumog sa mantikapen moyo. Kumutana kamo ket pasrepen nakamo.

Anaod, sarba ran kidawat, mabyan sara. Sarba ran manumog, makadumog sara; tan sarba ran kumutana, pasrepen sara.

Wana ni Jesus konra, “Wanti e no dumasal kamo: ‘Ama, mapagalangan ka kumon nin liso. Mag'adi' kayna kumon sa sangkamundwan.

Pirdunawen rakami kumon sa kukasalanan mi. Anaod, si'kami, mampirdunawen misara anamaet a mampangwa' nin duka' komi. Andi' rakami nin iyadap sa mabyat tuloy a panunubok.’ ”

Byan rakami kumon nin makasadag nin kanen mi sa inawru-awro.

Say mata mo anamaet ket bilang tyo' nin lalaman mo. No limpyoy pangingikit mo ket, si intiron lalaman mo bara'mon lison mapalaway ya. Bale' no main nin dipikto, bilang nin si intiron lalaman mo ket nadedleman ya.

Nag'irgo yaynaet si Jesus konra a wana, “Kasan si'numan a manulsol nin tyo' mi'sa ikwa naya sa maadin lugar o sakban nayan salop, no kai edet, ikwa naya sa pangngitukduan ta pigaw nin sarba ran sumrep sa bali ket mapalawayan sara.