Oblíbené biblické verše z 2 كورينتوس 5

Sdílet

اشكو وانّا ءيگان وين لماسيح، ءيسكر‑ت ربّي زغ‑لجديد. لاح زغ‑گيس اقديم، يوورّي ءيگ وين لجديد.

لماسيح لّي‑ور‑جّو‑يسكيرن كرا ن‑دّنب، ءيرور‑ت ربّي زوند ءيغ‑يعمّر س‑دّنوب ف‑سّيبت‑نّغ، باش ا‑نعمّر نكُّني س‑وفولكي ن‑ربّي ف‑سّيبت‑نس.

ءيمّا نكُّني ار‑تّ‑نتاوي غ‑مايلّي‑س‑نومن، ءورد غ‑مايلّي نژرّا.

ربّي ا‑يقصادن مايان لّيغ ءيسكر سّلامت غ‑گراتنّغ ديدس ف‑سّيبت لّماسيح. ءيژلي‑اغ نكُّني ا‑نمالا ءي‑مدّن مامنك ا‑يرا ا‑يسكر سّلامت غ‑گراس ديدسن. اشكو ربّي ءيسكر سّلامت غ‑گراس د‑دّونيت ف‑وودم لّماسيح، ءور‑سول‑ا‑يتحاساب ف‑مدّن دّنوب‑نسن. يازن‑اغ اد‑اسن‑نسّلكام لخبار ف‑سّلامت‑اد.

نكُّني‑اد نگا ءيمازانّ لّماسيح. ف‑يمي‑نّغ ا‑ف‑ا‑سرون‑يساوال ربّي. ار‑كُن‑نتضالاب غيلاد س‑يسم لّماسيح ا‑توورّيم س‑ربّي باش اد‑اون‑تيلي سّلامت غ‑گراتون ديدس.

ءيمّوت نتّا ف‑سّيبت ن‑كولّو مدّن باش اد‑وورّين غويلّي دّرنين ا‑ور‑سول‑سكارن ف‑اد‑رضون ءيخف‑نسن والاينّي اد‑رضون غوالّي ءيمّوتن ءينكر‑د زغ‑لموت ف‑سّيبت‑نسن. ءور‑سول‑ا‑نتمناد غ‑يان غمكلّي گيس تمنادن مدّن ن‑دّونيت‑اد. نكّا‑تّين ار‑نتمناد غ‑لماسيح غمكلّي گيس تمنادن نتني، والاينّي ءور‑سول‑ا‑گيس‑نتمناد غمكان.

ءيمّا نكُّني ار‑اغ‑تدحاي لحنانت لّماسيح، اشكو نومن ءيس‑يمّوت يان ف‑سّيبت ن‑كولّو مدّن. مايان ا‑ف‑نسّن ءيس‑كولّو‑ديدس‑مّوتن.