Oblíbené biblické verše z मरकुस 9

Sdílet

ने ईसु तीनाक कह्‌यु, “कदी तुसेक बणे जाय ती! असु मेसेक काय लेणे कहें? भुरसु करने वाळा वाटे आखो हय सके।”

तत्‌यारुत तीना पुर्‌यान बास कलेप्‌तु जाय्‌न कह्‌यु, “मे भुरसु करो ने अळी बी मदत करीन मारा भुरसाक बड़ाव!”

जत्‌यार ईसु घर आयु, ती ईसु एखलुत हतलु चां तेरा चेला तीनाक पुछ्‌या, “हामरे सी भुतड़ु काहा नी नीकळयु?” चु चेलाक कह्‌यु, “असा भुतड़ान जात भगवान सी दुवा करे, पाखुर नी नीकळे।”

नण ते वारलु चीज छे, बाकुन कदी नणुत मुळो हय जाय ने सवाद खुय देय, तत्‌यार च पछो काय सी ने कसों खारो करसु? “तेरेसी तुहुंं आंबा-सांबा हेळी-मेळीन रय्‌न आपसान नणेन सवाद समाळीन राख्‌जु।”

“ज कुय मारा नाव सी असा नानला पुर्‌या मायन काहनाक एकेन बी आव-भाव करे; चु मारी आव-भाव करे ने जे कुय मारी आव-भाव करे चु मारी अतरी नी बाकुन मेसेक मकलने वाळान बी आव-भाव करे।”

मे तुहुंं काजे ईसु मसीन चेला छे करीन, असु कहं की ज कुय एक कळस्‌यु पाणी पावे ती मे छाचलीन कहं, “चु तेरा कामेन फळ कदी नी खुवे।”

“जे कुय ईनु नानला मां सी मार पर भुरसु करे ने काहनाक काजे पाप मां पाड़े ने तीनुक पाप कराड़े, ती तेरे वाटे ज वारु छे की तेरा गळा मां घट्‌टीन पुड़ बांदीन तीना काजे समुदरेन पाणी मां नाख देणु चाहजे।

कदी तारु डुळु उत्‌तर बणीन तुसेक पाप कराड़े, तत्‌यार तीना डुळा काजे नीकाळीन नाख दे। काहाकी दुय डुळा रवतात बी नरकेन आकठी मां नाखायसी, बाकुन काणु बणीन भगवानेन राज मां जाणु वारु छे।