Oblíbené biblické verše z Yaku 4

Sdílet

Wervt Gvrayí øp we lv̀ngpvng ècv̀nnø̀ng. Satan sv̀ng nàgámnø̀ng. Wekvt àng nø nàmaq yv́ngkèní vtshìvme.

Gvray yv́ng tvp nànvpshìnø̀ng, wekvt Àng gø nàmaq yv́ng vnvpshì daqe. Mvrà èv̀lnø̀ng rìé, wur dèshérshìnø̀ng. Vnínøt ènøtnø̀ng rìé, nøt dèshérshìnø̀ng.

Kàngpè mv́rdv̀ngø nøt ècipshìnø̀ng, wekvt À:ngí nàmaq sv̀ng èhàng lóngnø̀nge.

Íwe, Gvrayí nø jejú téwa èrvmaìe. Wedø í rvtnø Kàru taq, “Gvrayí nø dvshv́ngshìrì kaq vtùò nø̀, cipshìrì sv̀ng nø jejú zíòe,” wae.

Wervtnø̀, kagǿ ínìgø shvla lòng wá rà we sháò dá:ngí mvwàò nìnø mvrà íe.

Èrøtnø̀ng nìgø, shagóng shòng lòng dvpvt wa røt nàlénø̀ng rvtnø, nàmaqí mèlúnnø̀ng.

Dvchap bv̀nlì èwànø̀ngrì nàmaqé, rvgaq nv̀ng vzø̀m lòng nø Gvray nv̀ng ngv̀nshà í we mèshánø̀ng má? Wervtnø̀ rvgaq nv̀ng vzø̀m vrá mvyǿ vsv̀ng kagǿ í nìgø, vdè nø Gvray nv̀ng ngv̀nshà í dvzv́rshì we lè íe.

Nvpni nø kadø í ra we sv̀ng nàmaqí mèshánø̀ng. Nàmaq gø̀nshaq nø pà nv̀ng vbónge má? Tiqlvngcè wa yv́ngshì dá:ngí vmvngvm we shvngùl nv̀ng vbónge.