Oblíbené biblické verše z Mɨkyananakɨa 2

Sdílet

Kʉdɔ, Pɛtɛlɔ ɔ꞉ɓutosio ɓɔ: «Nécheni mɨtɨma ngɨyeno, nɔ mombi nɔ mombi ɨkwa uɓatiso akɔ ino yɔ Yeso Klisito. Kʉdɔ, Asɔɓɨɨ a꞊nɨpaakɨa ɓʉɓɨɓɨ ngʉɓeno, nɔ, ɔ꞉ninjo Mʉtɨma wɔta Tu ndʉ apɛpɛ.

Ɓombi ngʉɓɔnanɨ, ɓa꞉ɓio akɔnʉka mapanʉ ngʉkɔ ɓatitima nɔ mʉsasa, angbinga ta muɓomu. Ɨɓɔ ɓaɓomu, ɓa꞉ɓio ɨkyɛmʉ mɛngana akɔɓundo mʉkatɨ ɨhɔ nɔ nɨta kʉ ɨhɔ.

Ɨɓɔ ɓaɓomu ɓɔ꞉huo nɔ Mʉtɨma wɔta Tu, nɔ ɓɔ꞉pʉnga yaka nɔ mɨyakɨa nga yɔmɔ, ngbanga kʉndʉ aka Mʉtɨma wa꞉ɓio-ɔɔ naɓɔ akɔtitio akɔ yaka.

Ta gagaa ngɨananɨ, mungito mʉngana wɔ꞉ngwa akʉʉ ɔ ɓisi, ndʉ mahuo kɔta maja kiɓio ahuo, nɔ wɔ꞉huo amati ɔ ɨkáá iɓomu ngɨyɛ ɓa꞉ɓio-ɛɛ ɓawele. Kʉdɔ, ɨkyɛmʉ mɛngana yɔ꞉chwɛanɨa ndʉ magou kʉ dyaa. Maɗaɗa kɔngɔ kɔ꞉nagbonyonoko nɔ kɔwoloko akʉʉ ɔ eɓo nangana nangana. Ɨɓɔ ɓaɓomu ɓɔ꞉huo nɔ Mʉtɨma wɔta Tu, nɔ ɓɔ꞉pʉnga yaka nɔ mɨyakɨa nga yɔmɔ, ngbanga kʉndʉ aka Mʉtɨma wa꞉ɓio-ɔɔ naɓɔ akɔtitio akɔ yaka.

Masi maɓomu, ɓa꞉ɓijonokio amati ɔ ɨkáá yɔ Asɔɓɨɨ nɔ mʉtɨma mʉngana. Akɔ lɨkáá ngɨleɓo ɓɛ꞉ka nɔ madyo nɔ dyakaka ɨda mɛnga, nɔ, ɓɔ꞉ɓundo mʉkatɨ nɔ ɨgyagya ɨhɔ nɔ mʉtɨma wɔ nudisoniso. Ɓa꞉ɓibibiso Asɔɓɨɨ, nɔ ɓombi ɓaɓomu ɓa꞉ɓio nɔ ɨgyagya akʉʉ eɓo. Masi maɓomu, Makwɔɓɨɨ a꞉ɓɨmatɨa mboi yɔ ɓombi ngʉɓa ɓa꞉baya amati ɔ ndiba ngiyeɓo.

Asɔɓɨɨ akɔsugo ɓɔ: ‹Akɔ ɓisi ɓɔ mupipio, na꞊to sina Mʉtɨma wɔta Tu ngʉwɔsɛmɨ akʉʉ ɔ ɓombi ɓaɓomu. Ɓana ngʉɓeno ɓegue nɔ ʉɓa ɓeɓoi ɓa꞊kwa sina ɨgbɛ akʉʉ ɔ yaka ngɨyɛ yanɨngwa atɨ Asɔɓɨɨ. Ɓandambʉ ngʉɓeno ɓɛ꞊na sina yaka ndʉ lɨwɔtɔ. Likweikwei ngɨleno la꞊takanaka sina.

Ɓombi ngʉɓa ɓa꞉baya ɓaɓomu, ɓa꞉ɓio ɨkyɛmʉ mɛngana, nɔ ati eɓo, ɓɔ꞉pakana lɨkyɛmʉ liɓomu ngɨlɛ ɓa꞉ɓio nalɔ. Ɓa꞉ɓigabiso lihoi nɔ lɨkyɛmʉ ngɨleɓo. Nɔ, ɓɔ꞉pakana ɓagyɛgyɛ ɓɔngɔ ati eɓo ɓaɓomu, akɔkpatanakɨa nɔ angɨɔ ngɨɔ mombi nɔ mombi.

Kʉdɔ, mombi muɓomu ngɨa a꞊chwa ino yɔ Makwɔɓɨɨ ɛ꞊nɨanɨa nɔ ɓʉhɛa.›

Ɨpa ya꞊natanaka sina umomo, nɔ uwi ɓɔ ngbʉʉ ndʉ menike. Mbise ɔngɔ, ɓisi ɓɔta ɓʉja ngʉɓa ɓɔ Makwɔɓɨɨ nɔ ʉɓa ɓɔ ʉbɨba ɓɛ꞊ka dɔ tɨa.