Oblíbené biblické verše z Rooma 12

Sdílet

Sinni xangal tuscussubiinih inqiyyira kibah, ta caalamti thabiicah maadayna. Amaymih lel, Yallih farhi ayim kinam: kaa mecaani, xedenishshah naqhuse hin kaa farhi ayim kinam timirimiriinih seltoona kitin.

Amaydo yi sacul, Yallih naxrurtahi araxah, sinni nabse tane sadaqha, quddus kee Yalli akah kabbaata araxah kab-ishshoona sin fayshak aniyo. Amaye lel rummaahit sin cibaada kinni.

Cag abitteenih xedena, tsabaabat waqhtedde sabre abita, salat mixabina.

Umaani mecaanih iscir kibah, umaanih mamsaccarin.

Sacoolinni kaxanoh sittiya ikxina. Mangum sittiya xishmata.

Kaxani rummaahit tiya yakkoo. Umaani inciba; mecaani qath-ishanta.

Dhiicimtemko, sinneh dhictaanam hidhdhalle, umman tiyaalih salaamah mara.

Yi kaxantoolito, “Xane yafdiinim yim kinni, ‘Anu afdaw kiyo’ yarhxe Maddari” yarhxiinim tunkuttubeh tanemhi sabbatah, Yallih kuralle ten xaba kibah, xane mafdayna.

abinnannimidde mabbaahasina, ayqari le mara tika; Maddara ukhduma.

Yoh tomxoye nicmah sinko umman tiyak arhxem liyo: tamaa Yalli sinko umman tiyah yoxoyeh yane imaanhi qiyaasalle, thummut kin firde yaxaye araxah yaxaasabo kibah, ishi sabbatah isheeko ziyaada aganalle yaxaasabo alle mitane.

Umman tiyahi intidde mecem kinam aba kibah, umaani umaanih mafdayna.

Sittiyaalih samaraalih mara. Mamnanabbinantaaki, amnonobba-hin maraalih tika. Kas-le mara sinnek maabina.

Laakin, “Ku cangi safriitemko kaa bettish, bakhaaritemko yaacubem akah uxuu; tayim abtak lel xoolah kaa xararishsho kito.”

Sin hadana marah dhaaco akah aba; dhaaco akah aba kibah ten maabaarina. Xedena maraalih xedena, weeca maraalih weca.

Yinqiddise mara ten farhshishshamah ten xata. Gerha arxibishshoona wagiyanta.

Amaye lel inki nabsedde mango karim lino, amaa karim lel inkoh inki nafaaca malooni, amaydo nanu, mangino hanuk, Masiixidde inki nabse kino, inkeekettah lel sittiyahi karim kino.