Oblíbené biblické verše z Yohannis 12

Sdílet

Yi akhduminnanti, yi kataw alle tane, anu alle anniinnanille lel yi khaddaam gantah yannaw kinni. Akkinnanti yotta yukhdumemko lel Abba kaa yaynabo kinni.

Ishi aniina akxininnanti tee waya, ta caalamalle ishi aniina ancibinnanti lel umman geedit aniinah tee geyo kinni.

Sinraa zaratti baarholle radeh rabe wayemko, inkettak raaca, rabemko laakin mango zara baaham rummah, rummah sinak arhxiyuk ane.

Yottah yaamineti ditedde maramko ciloh ta caalamalle ifo balih emeeteh aniyo.

Anu gargeero kibah caalam afrado maamaatiyomhi sabbatah, yi waani yaabbeh abbirhinnixe tiya, kaa mafride.

Maryam lel litrot abrha yakke qaali kin zeet qarce-le “nardos” akko yarhxin xarhaako siraaximeyah Yeesus iba tuskuteh ishi dagarah kaa iba xishiite. Amaa cari lel amaa zeet ureh yemmeege.

Amaymih lel tamri xorh hi xakuk yibbirhiinih akah garawna yewcin. Wac-yerhxiinih lel: “Yalla xamdishinna! Maddari migacalle amiituk yane Israa-eel Nugus dhaacole kinni” yerhxin.

Yeesus lel: “Xiyawti Barhi adde yanabo-le saaca gufteh tane.