Oblíbené biblické verše z Mak 9

Sdílet

Ma ia Jisas e kori susuliha vahai vania de, “Hoe o gesuu nau tina vahai tu ku hanaa nau na agosiana. Ira na tinoni tara tamani dodonu tatana ia God, e teha siki omea ke utu vanira.”

Mi tana tahu vahai kalavata nia, me valagu leho vahai de na tohana garimane nia, “Inau u tamani dodonu me teha vata tihilana. Ko sangau me ke susuliha laka ba nigu dodonu!”

Mi bukena te sahe tovosidira ia Jisas kolu hana duli nira i vale, mi ira hana duli ia ara gesu vahai vahania ia Jisas de, “?E vahai vei mami utu hami na huru chonia na tarunga nia?” Me kori vahai vanira ia Jisas de, “Na nonginongi bamu ke hanaa na huru chonia na tarunga vahai nia.”

“Na tasi na omea talana solehana, me tina vahai ke dia choni na mijuana nia, me utu laka na taha visua. “Na mijua ni tasi ke toha tana maurimiu kode, ma kamu ni mauri kolukolu tana rapo.”

“Isei te ke talana vania ke chikai na gari pepechi vahai de tana asagu nau, ia ke talana vani lakamuu nau. Misei te ke talana vaniu nau, ia ke talana vani lakamua sei te sau maiu nau.”

Inau u kori vanihamu na omea tutuni, tina vahai ke chikai ke sau vanihamu na kolo ni inu matengana ihamu na nigua nau, ia ngeni ba ke taha kalavataa na pepeluna.”

Me kori vahai laka ia Jisas de, “Tina vahai ke chikai ke vahania ke chikai na gari pepechi nira de tara tamani dodonu tatagu nau ma kara goni savi, ba ke talana ia baa vania tina vahai kara soria na makara leho tana liona ma kara choni sivoa tana tasi gou, liungisia tina vahai ke tu ia God me ke rotasia.

Me tina vahai na matamu ke vahaniho mo ko goni savi, ko kati chonia. E talana tina vahai ko sahe kolu bamu ke chikai na matamu tana nina baravata ia God, liungisia tina vahai ke toha ruka na matamu mo ko sahe kolukoera tana lake te voo na mate.