Oblíbené biblické verše z Kuurotokwe 28

Sdílet

Toro molloma'dowo a'mwo abolo su ton aguto kig Gooti toolluro mido mollomwalo tovino kuuguudo tov sodubwasajukekono. Aki Aguto Jisas Kraisolluno kuuguudo kurukwe'aro sodubwasajukekono. Poolol toro yodubwasodowodo toga luko miyajukekono. Toro kwol kuruv yiuno kuu'maiyo toru'no amoruujajukekono. Aki toro moruudoduke toollu a'mwo pwolnodo kwol kuruv muumjukullajukekono.

Toro dodopure kuvi kuruv Poolol gabakuto su toolluro tuko adovoka tovida'ai kaiyako pun mamarokaikono. Toro te Poolol gabakuto su toollu mourokurumwogapino sumaiyokwe duko tovi amolluroudapiyokaikono.

“Guu a'mwo abolo tonyomno plavo'bi aro domoruudono. Kevu moro kuuguudo tovi wuu'nyuno wuu'nyuno yopi kugaikul kuruv kavlo tovino miyouromapinogaikikono. Aki moro jurogudo tovi kemi sumdo togai wonyuno wonyuno yopi kugaikul kuruv kavlo tovino miyouromapinogaikikono. Su toro tov aro tovinokwono. A'mwo abolo ton kuuguudo tovi kadu'molo nyupiyokwe muu'nyubusuko to'no yodupudogano. Aki toro ton kemi sumdo togai noonpiyokwe mwonyubusuko to'no yodupudogano. Toro ton kemi poowokalago kuunodo tokwe nuu Gooti toonyomno kuudo souragunyumo'nopujuko'mno'juki nuu nokwo kwiyo'mwojo'mujukogano. Toro kuvi kuruv a'mwo abolo su tonyuro poowokalago tono'gwowi dogaipo'nyo kuumwiyo kuunodogano.” Kuuguudo nebal'nodo su tovi kevu Juu toorekulluno Aisaiyal toro ajakwollokaikono.”