Oblíbené biblické verše z Гъэсэпэтхыдэхэр 11

Sdílet

Унэнущ цӀыху жумартыр, псы хуэлӀэм и псыхуэлӀэр изыгъэкӀым ищӀэнкъым зэикӀ ар зищӀысыр.

Зыр – увыӀэ жыхуаӀэр имыщӀэу мэгуашэ, щӀэчэ имыӀэуи къыхохъуэ; зым – и нэпсеягъэм кӀэ имыӀэ, итӀанэми тхьэмыщкӀэ мэхъур.

Пагагъэм итщ иужь емыкӀур, цӀыху Ӏэсэми Ӏущыгъэр и Ӏэпэгъущ.

Зыгъэгъуэзэн щимыӀэм деж мэкӀуэдыр лъэпкъыр, упщӀэжакӀуэр и куэдмэ, ар мэунэ.

ЗахуащӀэм и Ӏэужьыр гъащӀэ жыгым хуэдэщ, цӀыху Ӏущым къыдехьэхыр жылэр.

Хуэущэхункъым бзэгузехьэм кърагъэза дзыхьыр, цӀыху пэжым щэхур и хьэдрыхэ псалъэщ.

ЦӀыху щабэр и щхьэщ зыхуэтэжыр, гущӀэгъу зимыӀэрщ зи зэран зэкӀыжыр.

Мылъкум щыгугъыр дэхуэхынщ, захуащӀэм и гъащӀэр гъатхэ пасэу зэщӀэущкъулэнщ.

Мылъкум Тхьэм и губжьым ущихъумэнукъым, захуагъэрщ ажалым укъыӀэщӀэзыхынур.

ЗахуащӀэхэр я гу къабзагъэм еузэщӀыр, цӀыху гъэпцӀакӀуэхэр бзаджагъэу ящӀэм токӀуэдэжыр.

Сыт зэщхьыр цӀыхубз гуакӀуэу акъыл зимыӀэр? – Дыщэ Ӏэлъыну кхъуэпэм фӀэлъырщ зыхуэдэр ар.

ХуищӀакӀэщ гущыкӀ тэрэзэ нэпцӀхэм Тхьэуэ Зиусхьэным, еплъащ Ар нэфӀкӀэ шэчалъэ пэжым.