Oblíbené biblické verše z Ndzǝr Rauma 1

Sdílet

Yi adi ada nga sǝlai akuya ka ndǝrǝr Hyal nam sǝɗa wɛ, kadǝbar ǝni ani dǝnar Hyal nam tǝ dzǝ ada kǝthlǝr akǝri ka mbatǝ kǝlara ndɛ nam tara mbǝrsa: tangkǝma ala ndzǝr Yahudi, aghǝla ǝni ala ndzǝ kura Yahudi.

Akuya akwa ndǝrǝr Hyal nam sǝɗa Hyal tsanti kalkalkurni, kalkalkur nam tǝ dzǝ ada la ndɛ atar hamnta dzǝri, ba ɗiɗi atar hamnta dzǝri ndari, ata baditsǝni ka la dǝnta, tsu apa rǝbwa-rǝbwa: “Ndzǝ nam tǝ Hyal mǝrti tǝ dar kal-kal atar hamnta dzǝri dar ata ndzai atar hamnta dzǝri.”

Akuya tǝng tǝ Hyal mǝrti dunya, ndzaiyir Hyal nam kura ndɛ ada wula—dǝnarni nam kura kurkuri ba ndzaiyir Hyalkur ni—ndǝ kǝ wula ata babal, nam tǝ ndǝ zǝndi atar sǝ yar nam tǝ dzǝ mǝrti, ani ka ndzǝ adi aka sǝr vǝti nya wɛ.

Akuya wala tǝ dar zǝndi Hyal, dar ta lari nggakur Hyalkur ni wɛ wala gwaditsǝni alari wɛ, ama dar ndzai dlang akwa ɗǝngar dar ba dar ta mǝzi ka zǝndi dlangkur nǝr ɗǝfa dar yarɛ wɛ.

Dar palti dzǝrkur Hyal aka hawi, ba dar vǝkǝr sǝlai ba kǝthlǝr ala sǝ yarɛ nam tǝ ndǝ dza hǝnɛ ata vuiya dzǝ nam tara mǝrti sanga su—dzǝ nam tǝ ndǝ ada hǝmɛ kura kurkuri. Apani.

Sǝwasǝwakur ɗǝfa Hyal tsantǝdzi atahyal ata kǝra sanga ndzai nam kura nǝr Hyalkur ba kǝmangarkur nǝr ndzǝ nam ada tsani dzǝrkur atar kǝmangarkur dar

Kadǝbar ǝni, Hyal ngyar tǝ dar ala sǝr sǝlai nam tǝ dar ada bara. Wala mwahyir dar yarɛ ada palti mwardzǝr dar nam tǝ Hyal mǝrti aka nam kura Hyal dza mǝrti. Tsu akwa whal ǝni sǝli yɛ ngǝla mwardzi aka mwahyi nam tǝ Hyal mǝrti ba miyir dar ada hyati ka bara kǝma dar. Sǝli ada 'ya su ghyǝmbur aka sǝli damwa, ba dar dlutsi aka kǝr dar haka nam kal-kal akuya thlamparkur dar. Kadamwa, tǝng tǝ dar ta ɗǝnga apǝri ɗaku ka dar ngǝzi zǝndi Hyal wɛ, dzǝ ngyar tǝ dar ala hankal kulɗakur dar, ba dzǝ ngyar tǝ dar ada 'ya sǝ yarɛ nam kura kal-kal ka ndǝ 'ya.

Wala ahani dar kǝtǝ apǝri dar bǝrkawa, dar kǝ ndzai dlang yarɛ ba dar palti nggakur Hyal nam kura ada nti akuya dludzǝr sǝ yarɛ tǝ ndǝ mǝrti apa ndɛ nam ada nti ba ika yarɛ ba mawi yarɛ ba su yarɛ nam ada mwari tǝ kuta.