Oblíbené biblické verše z Rṳ̂̌me̤ 5

Sdílet

Bǎbǎkǎlè Cǒmara mô̤ǐ pa pwǐtè hî̌dě, bǎ pa htûpe pwa̤ma̤sǔphû̌ akha pe nudě, Khrǐ hètṳ̌sikhòsi anǎ̤ dǒ paya. Hǒomî̌ Cǒmara dǔlè̌lṳ̌hto pa kû̌ ata̤mô̤ panu hǒ.

Bǎ pa kè̌shuǐ kû̌ Cǒmara gǔ ma̤ bǎ pa akhanu, pa sǎphlǒpî̌ tô̤̌, ma̤titèhî̌dě, bǎ Cǒmara ǐlò̤ pa Yôla Plò̌shǐ Běcǎ akhanu, a glǒlò̤ lò̌lò̤ hto bǎ pa a ta̤mô̤ǐ dǒ pa sǎphlǒkû hǒ.

Pa kè̌shu tǒ̤pwǎ hǒonu mè̤̌tô̤̌, bǎ pa kè̌shǐ kû̌ ta̤jî̌ta̤jû̌, ta̤pò̤̌ta̤sha akha nubǎbǎ, pa sǎlě̤sǎlò̤ pwǎ, ma̤titèhî̌dě pa sî̌ganǎ̤ kû̌ ta̤ nutokhlǒ nî̌ a dǐdû̌htò̌ bǎ pô̤̌ pa ta̤khòbò̌ ta̤jî̌ta̤jû̌ pwǎ. Ta̤khòbò̌ ta̤jî̌ta̤jû̌ nî̌ a dǐ ô̌dû̌htò̌ ta̤ma̤tô Cǒmara asǎphlǒ, ta̤ma̤tô Cǒmara asǎphlǒnu, a dǐô̌htûhtò̌ dû̌wî̤ ta̤kè̌shuǐ.

Pô̤̌nudě Cǒmara bè̌cǒbè̌tè̤ pa kû̌ pa ta̤yṳ̌ta̤nǎ̤ akhû̌khî hǒ. Dě pa ô̌pè̤̌ô̌dû ô̌mô̤ô̌kla sô̌ kû̌ Cǒmara hǒ. Pwa̤ma̤ htûhtò̌ bǎ pa pô̤̌ numî̌ pa Běcǎ Yeshǔ Khrǐ pwǎ. Dǒ pa yṳ̌ǎ Běcǎ Yeshǔ Khrǐ akhû̌akhîdě, a no ô̌htûpwa̤ pa dǒ Cǒmara abwǐsîrî akû hǒ. Khònò̤̌ pa ô̌htûpwa̤ dǒ abwǐsîrî akû hǒ. Dě pa sǎlě̤ kè̌shumò̤̌mô̤ǐ Cǒmara a ta̤bwǐdû̌sîrîhtûnu hǒ.

Ma̤titèhî̌dě, bǎ pa ma̤jè̌ lò̤ jò pe panǎ̤ tô̤̌ akhanu, Yeshǔ Khrǐ hètṳ̌sikhòsi tôshětôkhǎ bǎ kòyòkhu kòyòhe tokhlǒ aya.

Pa htûhto kòyòcǒkòyòtè̤ dǒ Cǒmara a lô̤mô̤̌ kû̌ Khrǐ asǐ akhû̌khî hǒ. Pô̤̌nudě Khrǐ ma̤hǎplǎge mè̤̌mî̌ca pa kû̌ Cǒmara a ta̤cî̌htò̌ nupě.

Ma̤titèhî̌dě dǒ kòyò tôpwa̤ ganǎ̤de Cǒmara ayô̤̌ tô̤̌ akhû̌akhî, kòyò pṳ̂̌꤮ tôpwa̤ htûhtò̌bò ta̤sǔta̤plě a phû̌mǒ̤phû̌khû tokhlǒ hǒ. Bǎbǎkǎlè dǒ kòyò tôpwa̤ ganǎ̤de Cǒmara ayô̤̌ akhû̌akhî, Cǒmara bè̌cǒbè̌tè̤ bò kòyò pṳ̂̌꤮ tôpwa̤ hǒ.

Pa lǎ̤sǎlě̤sǎlò̤nu a ô̌ tǒ̤ hǒonô̤̌ mè̤̌bǎtô̤̌. Dǒ Běcǎ Yeshǔ Khrǐ akhû̌akhîdě, pa sǎlě̤sǎlò̤ bǒsû̌ kû̌ Cǒmara hǒ. Pwa̤ dǒ a ma̤bǒsû̌ getîkhî sô̌ bǎ pa kû̌ Cǒmara mî̌ Yeshǔ Khrǐ pwǎ.