Oblíbené biblické verše z Rṳ̂̌me̤ 2

Sdílet

Bǎbǎkǎlè khôsî꤮, kòyò ma̤ ta̤sǔ pô̤̌nu tokhlǒnu, na cû̌ pîjî̌ǐshoǐ kòyò ma̤titè? Na nǎ̤běcǎ tûû̌ dě na ma̤ ta̤sǔ sô̌sô̌kû̌ asî nupwǎ. Pô̤̌nudě, na gènè̤ ǐtûû̌ nanǎ̤ kû̌ na gǔ hǎplǎ kû̌ Cǒmara a ta̤cî̌htò̌ pě pô̤̌nu ya? Cǒmara wô̌ dǒ nakhû̌ pwǐ tè, a khòsǎdô bǎ na pwǐtè, a sǎphlǒhtû bǎ na pwǐtènu, na bè̌dubè̌nǎ̤tô̤̌ ya? Pô̤̌khô na gǔ yò̤lǎ̤plǎdî̌ gesô̌ nasǎphlǒ ayanudě, Cǒmara jî̌pwǐ̤ bè̌lṳ̌ bǎ na ata̤mô̤ ta̤wô̤̌ tokhlǒ dǒ nakhû̌ numî̌ na sî̌ganǎ̤ tě̤tě̤mè̤̌mè̤̌ tô̤̌ ya?

Khôbǒsû̌sî꤮, na kè̌ hî̌ kòyò kû̌, “Asî numî̌ kòyò wô̌tô̤̌,” bǎbǎkǎlè na mî̌ kòyò wô̌tô̤̌ sô̌sô̌kû̌ asî pwǎ. Na cû̌hî̌ hǎplǎ nanǎ̤ mî̌ anǐ̤ tô̤̌. Bǎ na hî̌ kû̌ asî mî̌ kòyòkhu dě Cǒmara tô cî̌htò̌ asî akhanu, na cî̌htò̌ tûû̌ nanǎ̤, ma̤titèhî̌dě na dě na ma̤ sô̌sô̌kû̌ pô̤̌nu pwǎ.

Ma̤titèhî̌dě Cǒmara cî̌htò̌ sô̌sô̌bò pwǎ lû̌û pě. A kè̌dû̌ kè̌pî̌tî̌ kòyò tôpwǎ̤꤮ tô̤̌.

Cǒmara bè̌cǒbè̌tè̤ kòyòhǎkhû̌phû̌ kû̌ a ganǎ̤de ta̤sû̌ta̤tòwò khû̌khînu mè̤̌tô̤̌. Cǒmara bè̌cǒbè̌tè̤ kòyòhǎkhû̌phû̌ kû̌ a gû̌ma̤ pô̤̌ ta̤sû̌ta̤tòwò mǎnǎ ayô̤̌ nutokhlǒ pwǎ.

Cǒmara ǐ kòyò ta̤ma̤nǐ̤khû̌kǎ pṳ̂̌꤮ tôpwa̤ pô̤̌ kòyò ô̌htûpwa̤ ma̤hto ta̤nu tokhlǒ pě.

Bǎbǎkǎlè kòyò dǒ a mô̤ǐlò̤ tûû̌ anǎ̤ nutokhlǒ kû̌ a wîkè ta̤tě̤ta̤mè̤̌, dě a gû̌ma̤ ta̤phû̌mò̤̌shǐhtô tokhlǒnu, Cǒmara sǎphlǒdû̌ asî pě dě a cî̌htò̌ asî pě.

Ma̤titèhî̌dě na mî̌ kòyò ikǒpwî̤̌ dě htû̌lè̌ yokǎkwi tô̤̌ tôpwa̤, pô̤̌nudě, htû̌꤮ Cǒmara sǎphlǒdû̌ dě a gǔ cî̌htò̌ cǒcǒtè̤tè̤ ô̌lṳ̌htò̌ pě akhanu, a sǎphlǒ gǔ dû̌khlo na pě dě a cî̌htò̌ jî̌khlo na pě.