Oblíbené biblické verše z Rṳ̂̌me̤ 15

Sdílet

Bǎ sî yṳ̌ǎnṳ̌ Cǒmara dǒ a ma̤jè̌ sî akhanu, a mî̌ Cǒmara tôpwa̤ dǒ pa lǎ̤kè̌shuǐ a kòshî̌gutṳ̌ akhû̌akhî, a gǔ ma̤lǒbe bǎtûû̌ sî sǎlě̤sǎlò̤ kû̌ sî sǎphlǒ a ta̤gûjû̌kabǎ nî̌꤮. Htokhôtô̤̌ pô̤̌khô sî ta̤kè̌shuǐ gǔ shû̌htò̌shohtò̌ sělě pô̤̌ dǒ alô̤mô̤̌ kû̌ Yôla Plò̌shǐ Běcǎ a ta̤pô̤ta̤phǎ akhû̌akhî, pwǎ nudě he kwicaba bǎ sîya hǒ.

Ma̤titèhî̌dě, lî̤plò̌shǐ dǒ kòyò wě̤ a děnukha tokhlǒnu, a wě̤nǎ dǒ a gǔ sû̌ǐtòwòǐ pa ayahǒ. Pô̤̌khô pa gǔ ô̌ kû̌ ta̤kè̌shuǐnu, lî̤plò̌shǐ ǐ hto pa ta̤khòsǎdô sǎphlǒhtû kû̌ ta̤khû̌ta̤ǎ tokhlǒ hǒ.

He kwicaba kû̌ Cǒmara dǒ a ǐ sî ta̤khòsǎdô sǎphlǒhtûnu kû̌ ta̤khû̌ta̤ǎ tôpwa̤nu, a gǔ ma̤jè̌ tûû̌ sî pô̤̌khô sî tôpwa̤ kû̌ tôpwa̤ gǔ ô̌ lû̌û kû̌ sǎphlǒ tômènô̤̌ pô̤̌ sî kè̌lû̌ǐ Yeshǔ Khrǐ a ta̤ô̌htûpwa̤ nutokhlǒ nî̌꤮. Sî kè̌ ma̤pô̤̌nu hî̌dě sî gǔ htû̌sò̌htò̌ bò̌ lô̌khô pa Běcǎ Yeshǔ Khrǐ apha Cǒmaranu dǒ sǎphlǒ tômè akû kû̌ dǒ ta̤hî̌bǎhtò̌ wô̤̌wô̤̌ lû̌û tôcǒnô̤̌ akûnu pwǎ.

Pô̤̌nudě kaǎmô̤shǔǐ lô̌khô lû̌û tôpwa̤ kû̌ tôpwa̤ nî̌꤮. Pô̤̌khô kòyò gǔ htû̌sò̌htò̌ lô̌khô Cǒmara dě kaǎmô̤shǔǐ lû̌û tôpwa̤ kû̌ tôpwa̤ pô̤̌ Khrǐ kaǎmô̤shǔ hto sînu nî̌꤮.

Pô̤̌khô a gǔ htûbwǐhtûsîrî bǎ asîya, htodě pô̤̌khô asî gǔ dû̌htò̌ htûhtò̌ dǒ ta̤yṳ̌ta̤nǎ̤ akûnu, pa tô lǎ̤lṳ̂ma̤mô̤ bǎ pa pṳ̌wè̤̌ khrǐphû̌ tokhlǒ asǎphlǒ.