Oblíbené biblické verše z Rṳ̂̌me̤ 10

Sdílet

Kè̌ na olò̤ kû̌ nakhû̌phě dě na kè̌ hî̌ kû̌ Yeshǔ mî̌ Běcǎ tôpwa̤ dě na kè̌ yṳ̌ǎ dǒ na sǎphlǒkû kû̌ Cǒmara ma̤htûpwa̤ getîkhî Yeshǔ dǒ ta̤si hî̌nu, na gǔ nǐ̤bǎ ta̤ma̤hǎplǎge pě.

Ma̤titèhî̌dě, kòyò dǒ a yṳ̌ǎ dǒ a sǎphlǒkû tokhlǒnu, Cǒmara gǔ bè̌cǒbè̌tè̤ lû̌û. Htodě kòyò dǒ a olò̤ kû̌ akhû̌phě tokhlǒnu, a nǐ̤bǎ ta̤hǎplǎge hǒ.

Ma̤pô̤̌nudě, ta̤yṳ̌ mî̌ a ô̌ dǒ ta̤ganǎ̤de ta̤we̤ta̤kèlô̤ ahè pwǎ. Dǒ kòyò shôbǐǐ bǎ Khrǐ awe̤akè akhû̌akhîdě, kòyò ganǎ̤de ta̤we̤ta̤kè pwǎ.

Lî̤plò̌shǐkû hî̌ Yeshǔ awe̤akè kû̌, “Mò̌pèpè bǎbǎ, dǒ a yṳ̌nǐ̤nǎ̤nǐ̤ lû̌û tokhlǒnu, a gǔ tǒ̤dǒ ta̤ lǎ̤sǎphlǒpî̌ agûlǎ̤nu a ô̌ tôkhò̌꤮ tô̤̌.” Ma̤titèhî̌dě Yǔdaphû̌ kû̌ Yǔdaphû̌ mè̤̌tô̤̌ tokhlǒnu a khô̌ lû̌nu, a ô̌ tôcǒ꤮ tô̤̌. Lǒ̤꤮ bò pwa̤ yṳ̌ǎta̤phû̌ tokhlǒ numî̌ a Běcǎ ô̌plǒ lû̌û tôpwa̤꤮ nô̤̌ pwǎ. Kòyò dǒ a kwihtò̌ lû̌û ta̤ma̤jè̌ tokhlǒnu, a ǐshowî̤ lǒlǒbebe bǎ asî. Ma̤titèhî̌dě, pô̤̌ lî̤plò̌shǐ hî̌ kû̌, “Mòpèpè̌꤮ bǎbǎ dǒ a kwihtò̌ ta̤ma̤jè̌ dǒ Běcǎ a ô̌ tokhlǒnu, Běcǎ Cǒmara gǔ ma̤hǎplǎge lû̌û pě.”

Kòyò kè̌ plûhè pwa̤shôbǐǐ bǎ asî tô̤̌ hî̌dě asî cû̌ shôbǐǐjò bǎ kòyò hî̌tè? Lî̤plò̌shǐkû hî̌ kû̌, “Kòyò dǒ a phî̌hè bǎ ta̤sǎlě̤we̤kè tokhlǒ akhò̌lôpô̤̌nu awî̤tè̤̌sǐ le.”

Kè̌ ma̤pô̤̌nudě, asî ta̤yṳ̌ kè̌ ô̌tô̤̌ hî̌dě a cû̌ kwihtò̌jò ta̤ma̤jè̌ dǒ Běcǎ Yeshǔ a ô̌ hî̌tè? Kè̌ asî ganǎ̤de tô̤̌ hî̌dě a cû̌ yṳ̌ǎjò Běcǎ Yeshǔ hî̌tè? Pwa̤shôbǐǐ bǎ asî kè̌ ô̌tô̤̌ hî̌dě asî cû̌ganǎ̤dejò hî̌tè?

Pô̤̌khô Cǒmara gǔ bè̌cǒbè̌tè̤ bò kòyò dǒ a yṳ̌ǎ Khrǐ nutokhlǒ ayanudě, Khrǐ ma̤hto phlǔbòkè ta̤sû̌ta̤tòwò a ta̤yè̤lò̤nǎ tokhlǒ hǒ.