Oblíbené biblické verše z Mark 9

Sdílet

Kigwan Jesus i “Ngoy piyan mon a-seden, no gwariy kebedinan ko? Sema toon naematid Afo Chiyos, gwariy kebedinan ton emiin.”

Et kimeljaw a chakos iwa awa na nga-ngen kigwan to i “Naematiak, nem nat on-anay i pamatik. Pangaasim! Tolongi moak say on-anay!”

Idi simekep ires Jesus chiwa baliy a si-kara bengat, inbaga iren ma disipolos to i “Niyana eg mi mahachagchag iwa dimonyo?” Kigwan Jesus i “Say dimonyon inges niwan, mesepol a mankararag nin i tood Afo Chiyos asan mebedin a mechagchag iwa dimonyo.”

Tan kigwan mowan Jesus i “Mapteng i asin, nem no ondamsis, ngoy pesing ton may-oliy namnam to? Isonga, nemnem joy silbi na asin cha biyag jo tan pantitimpoyog kayo.”

“Sema toon mengegwat na ebaben toon inges to ja nga-nga kagol na pamati thod si-kak, si-kak pay i egwathen to, tan sema toon mengegwat cha si-kak, egwathen to pay ngo ma engito-nod si-kak.”

Sejay a konen kod si-kayo, podnon angken siyen toon mengi-kan cha si-kayo angken tasa bengat na chanom say inomen jo tep ekika-chom kayod si-kak a si Cristo, sigoradon mekongkonaan.”

“Angken siyen toon mengipabasol na angken sa-kin ebaben toon naematid si-kak, magangkana koma no mayba-jat i enbel-at a bathod bokdow to, et iba-tok ched baybay say metiy iy say sema mengipabasol na too.

Tan no seta ngon matham i panbasolan mo, ekal mo. Tep magangkana no mayka-chom ked pantorayan Afo Chiyos angken sa-ki bengat i matham iy chegwiy matham a iba-tok chaked inpiyirno.