Oblíbené biblické verše z Mark 6

Sdílet

Et kigwan men Jesus i “Emoy ired ma iyaydasin a dogad say si-kathayo bengat et say mahainana kayo.” Tep chakel i mansisina-dat a too et nagwariy pesing chen mengan.

Et kigwan men Jesus cha si-kara i “Say profita, nachijaw ched emiin a dogad, malaksid cha dogad to, bonat to, tan pamilja tho ngo.”

Idi mimothok si Jesus et imepas chiwa bangka, mita thoy chakel a too et kiyaasian to ira tep inges toy kalniron nagwariy naiyanbantay cha si-kara. Et intoroan to wa ira na chakel a banag.

Nat mebedin a engamag si Jesus na chakel a milagrod man. Say imag to bengat, insagpat toy diwa thod ma otik a toon mansekit et inpamapteng to ira. Et iyasdaaw si Jesus tep eg ira ematid si-katho. Idi iyakcheng ma, iyangwasgwasgwas mes Jesus a iyantorod ma otik a siyo-siyodad.

Et ida wen Jesus iwa dimen tinapay tan chegwen paideng et tiyangkak toy dangit a iyansalamat cha Afo Chiyos. Et piyetpet-ing to iwa tinapay, et in-i-kan to ired ma disipolos to say iap-ap ched too. Inpaiap-ap to pay iwa chegwen paideng. Engan iren emiin et iyapsel ira. Et kiyoskos iren ma disipolos iriy ebay-anan a tinapay tan paideng, et pino thoy sawal na chegwen basket.