Oblíbené biblické verše z Lucas 9

Sdílet

Gdëëd ni gudxe yugute'ke: —Xhki nu bënni re'en'de gake bënni useed kia', rala gzal'laadxe'e kuine, gue'e yaag kruuz kie' tu tu dza len giid'leene neda.

Koma bënni re'en'de usle' yëla naban kie', unitie' ley; san bënni gatie' nia'a kia' neda, usle' yëla naban kie'.

Jesús bubi'e diidza: —Bënni rga'ane'ba beedx len ryue' zga kuudzu'le, ti nake bach tzaazie lu yëla rnabe' kie' Dios

¿Gaxh de gun kie' bënni gaki kie' gdu yëdz'lyu xhki nitie' u gunditji kuine?

Xhki nu rutui'i neda len rutui'i xhtiidza'a, lekz'ka' le' Xi'ine bënni utui'i'de le' kati wëëde lu yëla ba kie' len lu yëla ba kie' Xuuze len kieke bënni gbaaz la'ay kie'.

Jesús bubi'e diidza: —Bëëza zua bloj giaj kiek'ba, len bua' tazuuba zua liidx'kba; san le' Xi'ine Bënni ti de tu latj ga gasie'.

Len gudxe leke: —Bënni rzi'e'bi bi'dau' ni, neda rzi'e; len bënni rzi'e neda, rzi'e lekz'ka' nu nusë'la neda. Lena'a bënni'a ti ryaazlaadxi'li'ne, bënni'a nak're blou.