Oblíbené biblické verše z Ruma 3

Sdílet

Fagayu tam e asalanan way tam. Wa tam kalong kalong nafasud tam Diyus at kamasinean. Ay dewa katanya, tam Diyus iglong yay antam te, “Nu glag aw ayu, di am e asalanan.” Ay tam Diyus nu glong antam katanya, we fagfanyaun siginan antam tam fagbulun. Teway kanya tuwa baliwa at kinfanyu antam, ay tam Fun Isus tuwa at nasali tam ngay asalanan.

Kanya fag faran, antuwa afanudi sa tam Fun Isus. Teway nus nga sinu tagafanud sa tam Fun Isus, sanya wa fag taw Diyus faglongan te, “Nu glag aw emu, kata wo yud e asalanan.” Dewa tams nganda ginan fag fulan taw, nu gafanud tam sa tam Fun Isus, tam Diyus nu glag antam, kata watam yud e asalanan.

Tam Diyus naawat at faran laman at faurianan di mdasug sa antam. Nafatsi tam buknga tam Fun Isus, laman ro kanya fag faurianan satu ro takadasug sa antam, si way anya kabat. Ay tam Fun Isus nadalan wa fiya ka fag faurianan, ebi gina inkate. Nu katanya, katsi, tam Fun Isus at nafagbulun nafasine wa antam, nu antuwa tam gafanud sa anya. Siginan ngay ebi ebi, sik taw nu antuwa gafanud sa tam Fun, tam Diyus di gfaurianan anya. Dewa te, kanya fag taw gasalanan wadi, tam Diyus di gfaurianan. Ay labon itam nu gamatangan tam, katanya tam Diyus fagbulun wa masine. Wa kata kalimata asalanan. Ay roro tam Diyus kalimata tuwa, madyay nasugu tam Fun Isus laman nansali taw asalanan. Ay katanya tuway, igtungul tuwa tam Diyus fagbulun, nu glong sas tagafanud sa tam Isus te, “kata wam yud e asalanan.” Teway tam Fun Isus nasali wan taw asalanan.

Fagayu taw e asalanan wayay, nus nga setvngvd sik taw nu nangurunganan nanfaning Diyus ngay suguwan, wa mafafalyam at asalanan. Tam Diyus iglag way, te kanya fag taw e asalanan wadi. Teway fakatanyaun, tam Diyus suguwan bunwa fanfalyam asalanan. Tagfasure way baliwa asalanan sa antam.

Tam Diyus wa fanlongan tagfoyung antam katanya. Tam Diyus fanlongan glong antam te, Fagayu taw e asalanan wadi. We masine nus di sadi. We taw igsaful at matuyan fiya fiya. Ay we taw gurunganan nangasaful sas Diyus baliwa. Fagayu taw inyayu wa at matuyan. Ay fagayu taw we fanambagun. We gfagbulun masine, nus di sadi.

Katanya tuwa at faran, laman tam Diyus lumong antam te, “Kata wam sik ngay taw at yud e asalanan.” Antuwa nu gafanud tam. Bundi si tam nafaningan tam Diyus at ngay suguwan.

Ay roro muwag, tam Diyus fagurungan wa fiya. Itam fag ngay taw, tiba ginan wa tam nafagurungan tam ngay longan, ay roro tam Diyus, fagurungan tuwa fagayu. Madyay sa sik afud tam Diyus fanlongan, e tapan tam te, “At ngay taw nu gamatangan tam Diyus longan, sumaful te tam Diyus di e asalanan. Ay dewa e lumong te tam Diyus nasalan wadi, tam Diyus mafasure way, te masine tuwa at nafagbulun.”