Oblíbené biblické verše z రోమా 1

Sdílet

సువార్త పొక్కున్ పైటిక్ అనున్ లాజు మన. ఎన్నాదునింగోడ్, నమాతాన్ పట్టిటోరున్, ముందెల్ యూదలొక్కున్ ఆరె యూదేరాయె లొక్కున్ మెని రక్షించాకునొడ్తాన్‍ దేవుడున్ శక్తియి అదు.

నీతి మెయ్యాన్టోరున్ వడిన్ దేవుడు అమున్ ఎటెన్ అంగీకరించాకుదాండ్ ఇంజి ఇయ్ సువార్త అమున్ పుండుకుదా. “నీతిమంతుడు విశ్వాసమున్ వల్ల నిత్యం జీవించాతాండ్” ఇంజి దేవుడున్ వాక్యంతున్ రాయనేరి మెయ్యాన్ వడిన్ మొదొట్ కుట్ కడవారి దాంక విశ్వాసమున్ వల్లయి నీతి మెయ్యాన్టోరేరి జీవించాకుదాం.

దేవుడు ఇయ్ లోకం పుట్టించాతాన్ కుట్ ఓండు కెద్దాన్ కామెలిన్ వల్ల, అమున్ పైనె తోండునోడాయె, దేవుడున్ నిత్యం మెయ్యాన్ శక్తి ఆరె ఓండ్నె గుణాల్ ఆము నియ్యగా పున్నుదాం. అందుకె దేవుడున్ పున్నాం ఇంజి ఇయ్యోరు పొక్కునోడార్.

ఎన్నాదునింగోడ్, ఓరు దేవుడున్ పుంజి మెని, ఓండు దేవుడు ఇంజి ఓండున్ మహిమ కేగిన్ మన, కృతజ్ఞతల్ మెని పొక్కున్ మన. పణిక్‌వారాయె ఓర్ ఉయాటె ఆలోచనాల్ నాట్ తెలివి మనాయె ఓర్ హృదయం చీకాట్తిన్ మెయ్యాన్ వడిన్ ఏర్చెండె.

దేవుడున్ గురించాసి మెయ్యాన్ సత్యమున్ సాయికెయ్యి, సత్యం ఏరాగుంటన్ కెయ్యికెన్నోర్. పట్టిటెదున్ పుట్టించాతాన్టోండున్ మొల్కాగుంటన్, ఓండు పుట్టించాపోండిలిన్ ఓరు మొల్కుదార్. పట్టిటెదున్ పుటించాతాన్ దేవుడున్ నిత్యం స్తుతించాకున్ గాలె, ఆమేన్.

నీతిమనాయె కామెల్ కెయ్యి, సత్యమున్ ఎదిరించాతాన్ లొక్కున్ భక్తి మనాయె ఉయాటె కామెలిన్ పొయ్తాన్ దేవుడున్ కయ్యర్ పరలోకంకుట్ వారిదా.

అందుకె ఓరె సొంత ఉయాటె ఆశేలిన్ వల్ల లాజెద్దార్ వడిన్ నడిచేరిన్ పైటిక్ దేవుడు ఓరున్ సాయికెన్నోండ్. ఓర్ ఆస్మాస్కిల్ సొంత మగిన్చిండ్కిల్ నాట్ మనాగుంటన్ ఓర్తునోరు ఉయాటె కామెల్ కేగిదావ్. అప్పాడ్ మగిన్చిండ్కిల్ మెని ఓర్ అయ్యాసిలి నాట్ ఏరాగుంటన్, మగిన్చిండ్కిల్ ఓర్తునోరి ఉయాటె కామెల్ కెన్నోర్. ఇప్పాడ్ కెద్దాన్ వల్ల ఓరు కెద్దాన్ కామెలిన్ బట్టి ఓరునోరు శిక్ష పొంద్దెన్నోర్. దేవుడున్ జ్ఞానం గురించాసి గుర్తికేగిన్ పైటిక్ మెని ఓరు ఇష్టపరుటోర్. అందుకె ఓరె మనసు ఉయ్యనేరి, ఓరు కేగిన్ కూడేరాయె కామెల్ కేగిన్ పైటిక్ దేవుడు ఓరున్ సాయికెన్నోండ్.

ఓరు తెలివి మెయ్యాన్టోర్ ఇంజి పొక్కేరిదార్, గాని తెలివి మనాయోరి. ఎటెనింగోడ్, ఓరు, నిత్యం జీవించాతాన్ దేవుడున్ మహిమన్ సాయికెయ్యి, నాశనం ఎద్దాన్ లొక్కున్ బొమ్మాలిన్, తీతెలిన్ బొమ్మాలిన్, జెంతువులున్ బొమ్మాలిన్, బాములున్ బొమ్మాలిన్ తయ్యార్ కెయ్యి మొల్కుదార్.