Oblíbené biblické verše z Lomu 14

Sdílet

Xo no voxo so Mosinge molu u'uli laxune'i tamitemaou la ta'oso'oso no anu mi aloxone uasi. Xo no voxo anene oponenge utulu no anu mi ma'ia so ta'ou o taiexu? E uasi. Nenge oponenge utulu no anu ilixo malemalenga mo xoluxolu lalavulusi mo osa'ila ane molu noxou Ulenu Laixesi. Loxo ngingi ngamulinu ilixo axone mo nga'oxonu xaixai noxou Kalaisiti la Mosinge u'osasou. Mo tamitema imaisou ilixo noxinge axone lexe laixe.

Xo loxo tamamauli, la tamauli so taxalixu nene'axu masaxa noxou Tatananengesi. Xe loxo tasoli, la tasoli so mi ne kalumo. Laso ane, loxo tamauli o tasoli la nenge taxolu no avolu Tatananengesi.

Ioxe, laso nenge oponenge masi ututulu no anu ilixo laixe so uxalixu oponenge vilesisi. Mo nenge ta'oxonu pakia'inge ngato'o no anu lopala noxinge.

Laso avikala lamana aloxo 'o. Nenge tapilixinu ilixo so tatilo­vosinge ngato'o. Nenge tamulinu xavutala ane vile aloxo 'o. Nenge ta'oxonu mi vile so tavivinge itulaki no anu uasi. Latilovo ne laxu aloxo 'o. Loxo ane'i i'oxo lexe mi vile masua, la nenge ta'oxonu no ie'i uasi. Xo nenge masi tasoune'i so i'una no anu mi e ilemolu lexe masua ne.

Xo loxo Mosinge vaikalaou mulemolu lexe, “Eni Tatanangengi a. Eni maulixo telexu uasi. Eni avikala manina e maninasi. Ili'i la tami­tema mukalusi ixolasou tava'a mo itangatuluilo. La no voxo anene ane'i ipitanu anaxa'a so i'itinu ualasilo lexe a Mosi'a a.” Mo no voxo anene nenge mukalusi tatulu no laxunu Mosinge. La nenge tavikala lamana noxou no anu mi ma'ia te'oxonu o telemolu o texavutalanu.

Ioxe, ane'i tavivinge Mosinge ta'olu se'i ne lopala noxi'a pakia'u malaxo uasi. Ane'i opone'i tamei. Tavivinge axone ngato'omea no anu vaikala uasi, nga'oxo laixe noxi'a mo so ngoli'a ngaxolu ngapita. Ngaxolu ngapita la ngakusukusu'inge no anu vaikala ngato'o uasi.

Ane'i tavivinge ne, ane'i tamitemamengi so ngatilo­vosi'a uasi. Ane'i tamitemaou Tatananengesi ane. Anu mi noxousi lexe ane'i itulu pakia'a o ilapau. Ia ilapau avile uasi, xo anu molu utetelisi'a so itulu pakia'a ane.