Oblíbené biblické verše z Mupala'a 14

Sdílet

La elomusou xoli molu no tualasou Mosinge muvikala aloxo 'o, “Nini nakaukavunu vaikala ano'o. Usoko'u vaimomo 'o xe ulai ili'i la ane'i ta'ei loxo ilopala noxou Tatananenge ka isoisoli, ane'i ixalisou osa'ila tatila.” Mukalu la Ulenu muvikala lexe, “Manina. Ane'i i'osa'ilasi xo tei la sasaie'i no anu xaixai noxi'a ia ane'i a ima'ilasi. Mo xaixai loxo mi'oxonu la nene'axu laixe a uxolusi.”

Ioxe, mimi axone uxali ili'i laso avikalangengi tamitemaou Mosinge u'isalili lexe ngaxolu pumu­ngengesi. Xo ngingi ne ngaxolu ngamulinu lo noxou Mosinge mo lopala noxinge a noxou Iesuasi.

Ioxe, xolinu tatila so mulanu vaikalaou aloxo 'o, “Voxosou Mosinge utilovosi'a tamitema no lakoti a muxali 'oe. Laso ngamama'u noxou Mosinge mo nga'itinu ualasou. Xe ngavi­kalasou ili'ilixou laixe xo anu mukoinu loxotolo ilou lialia mo luaki mo lexa luxuluxu.”

Mukalu la angelo vilela mumu­line'i tatamei teila. La angelo tatalusi'a 'o muvikala aloxo 'o, “Ane'i ta'ei i'itinu ualasou mi vova ilou mi e musaxi loxo anu mo ino'u sosovosou no anu alaie'i xe no avo'a la ixalisou tu'umaxu aloxo 'o. Anu loxo iie no anu uaini iou vilemo. Anene, la'ia noxou Mosinge. Loxo iie no anu la'ia noxou Mosinge axone la u'oki e u'okisi. Xo ixolu no iou Sipisipi Ilie oli'a ta'angelo talaixe so navu ilou lavo'o axexaxu uto'ito'isi'a. Ane'i ane i'itinu mi vova ilou mi e usaxi loxo anu xe mino'u sosovo so ualasou ne ixolu itavulenu navunavu axonesi. La navu ane ixolu no anu ne umuxu utelai utelai xo mole ukalu uasisi.”

Ioxe, emaleila la emaisou Sipisipi Ilie a mututulu no anu la'olu Saioni. La oli'a tamitemaou 144,000. La noxi'a tamitemaou ne ualasou Sipisipi Ilie xe ualasou Momu a muxolu no alaie'i.

Ioxe, mukalu la emaisou angelo vilela muvava no tainu loxotolo. La anu muvotovotosou vaikala laixe ane uxolu avile. Muvotovoto mulai noxi'a tatemanu lialia xe noxi'a tamitema so xale tuatuala mukalusi xe noxi'a lailaili muka­lusi xe vaikalai'a vilevilesi xe vasime'a iouiou.

Mukalu la angelo vilela mumu­linu ane tei. La angelo tameisou 'o muvikala aloxo 'o, “Taoni tatila ne Vaviloni a umamulo 'oe. Anu mumasua xo anu muolexa'a tamitema so xale tuatuala muka­lusi mimulinu ili'ilixo nuni'u so taoni ne. Anu loxo miiexu uaini pakia'u so taoni ne mo misipaki no anu.”