Oblíbené biblické verše z 1 Kolini 15

Sdílet

Laso tavivilo ane asexela­ngenge ne. Ngaxolu pumunge­ngesi, nga­vaxa ngane'e no anu lopala noxinge uasi. Mo loxo nga'oxonu xaixai noxou Tatana­nenge la xavinge­ngiousi. Xo ngalavu lexe ngaxolu noxou Tatananenge laso xaixai noxinge ne ulapau vitanisi uasi.

Ia talemolu laixe noxou Mosinge xo nenge taxolu noxou Tatananenge Iesua Kalaisiti laso no anu vote'i anene nenge taua'ulixu soli ane.

Laso ngakalavoingengi uasi. Loxo ngavaitami noxi'a tamitema so xavutala masua la ane'i i'unanu tane'i noxinge la uvila'isou xavu­tala laixe noxinge ne.

Ia vaimomo 'o xoluxoluxo aloxo 'o xo no anu iaiama noxou Mosingesi. Muiaiama noxilo la ulapau vitanisi uasi. Muxalixu nene'axu xo no anu xaixai noxilo la aua'ulixa'a ta'aposeli mukalusi. Ia eni melo uasi, iaiama noxou Mosinge a uxoxolu noxilo so ulosilo xavi no anu xaixai anene.

Mo loxo ulemolu, “Soli nini naua'ulinexe axovae? Nini a loxo tanga xo nelosixe navunavu toxoxu. Ia mi ane so nekapinexi no anu muna­vae? Ta'umenela uae.” Tava'u so soli ulosinge navunavu toxoxu ne xo no anu sususi. Mo talavusou susu lexe xavinu xo tava'u no anu losi.

Ngalomu, eni apla'anixu mi vile mutalume aloxo 'o. Ili'i la se'i noxinge isoli uasi. Se'i isoli uasi ia nenge mukalusi vasimenge uxiu. Mi ne uxali alaxu vilesisi, ienge u'amosi. No voxo anene la piuka kaluxusou utama la tamitema misoisoli ne itulu imauli no anu vasime'a ane so uxolu avile. Ane'i loxo misoisoli xe ane'i loxo ixoxolusio, nenge mukalusi vasi­menge uxiu axone.

Xo tava'u so tasoli, la noxou itema vile. Mo tava'u so tamaulila, la noxou itema vile kalumo. Nenge mukalusi tasoi­soli xo tava'inge e Atamu. Mo axone kalumo la nenge ta'ei taxolu noxou Kalaisiti la tamauli ane.

Xo vasi­menge kaini so usoli mo u'ui 'o anu uxiu alavua uxali kaini so usoli uasi, uxolu avilesi.

Xo Kalaisiti uxoxolu u'uli'uli xo mo umaloxo'a mo umamulone'i tauluaou avile. Umamulone'i tauluaou axone la ukalusou soli kalumo xo nenge tasolila uasi.