Oblíbené biblické verše z मत्ती 10

Sdílet

“हेरो, मै तुहुरिन्हे बवाँसनके बिच्चेम भेँरवा हस पठाइतुँ। तबेकमारे तुहुरे सँप्वा हस चलाँख और परेउना हस सोझ बनो।

जे फेन अपन ज्यान यी धर्तीमे बँचाई। उ सदाकालके जीवन नै भेटाई। और तुहुरे जेने मोरिक चेला हुइलक कारण अपन ज्यान देथो, तुहुरिन्हे सदाकालके जीवन मिली।”

ओइन्से जिन डराऊ, जेने शरीरहे मुवैथाँ, पर आत्माहे मुवाई नै सेक्थाँ। बेन आत्मा और शरीर दुन्हुनहे नरकमे नाश करे सेकुइया परमेश्वरसे डराऊ।

जे मोरिक चेला हुइलक कारण दुःख उठाइक लग और मुअक लग फेन तयार नै रही, उ मोरिक चेला बन्ना लायकके नै हो।

येशू कलाँ, “मनैनके आघे जे-जे महिन्हे ‘मै हुँकार चेला हुइतुँ’ कहिके कहि कलेसे मै फेन स्वर्गमे रहुइया मोरिक बाबक आघे ऊ मोरिक चेला हो कहिके उहिहे स्वीकार करम। पर यदि केऊ औरे मनैनके थेन मै येशूक चेला हुइतुँ कहिके कना डराई कलेसे, स्वर्गमे रहुइया मोरिक बाबक आघे मै फेन उहिहे मोरिक चेला नै हो कहिके कहम।”

बेमार मनैनहे चोख्वाऊ, मुअल मनैनहे जित्ती बनाऊ, कोढ़ रोग लागल मनैनहे चोख्वाऊ, भूत्वनहे निकारो। तुहुरे फोकत्यामे भेटैलो, फोकत्यामे देऊ।

तबेकमारे तुहुरे ना डराऊ, तुहुरे बहुत्ते गेँउरीनसे धेउर किम्ती बतो।”

“तुहुरे यी ना सोँचो कि मै पृथ्वीमे मनैनके बिच्चेम शान्ति नाने अइनु। मै मनैनके बिच्चेम शान्ति नाने नै होके विभाजन करवाई आइल बतुँ।