Oblíbené biblické verše z Malɨkɔ 16

Sdílet

Ambuɓusigio tiga ɓɔ: « Seni akʉ ɨtaka kʉ iɓomu, nambʉɓɨakɨa ɓombi kʉ ɓuɓomu Ɨsaʉ yɛɛ Iɗo.

Mombi ngia a꞊nabaya ɛmɛ, a꞊mbɨanɨa 'upi akʉ ɓakɔkɔ kʉ di di di ngiɓa aɓio kʉkyɨa engo akʉ ino ngiɨsɛmɛ. A꞊iso mɨtʉma yɨ ɓabɨa, a꞊yaka maɗaɗa nga kɔmɔ kʉ ɨtakɨ‑takɨ. Abana uɓoteni zɨɨ nʉ ɨkɔndɔ, yɛmɔ ɓɔ ʉmwa sʉmʉ, iinanɨ kʉ iɓomu ya꞊mbʉkʉmʉkyɨa ɨkyɛmɛ gʉkʉ ɗɛkɛkɛ. Ʉ꞊napɨeni lɨkɔndɔ ekoo ʉ ɓombi ɓʉ ɓakwisikiso, ɓa꞊hɨa tʉkʉ hɨaa. »

Mombi ngia a꞊baya, ɓambumuɓatiso, a꞊nyɨa nʉ ɓʉhɨa. Ɨkyɛmɨngana, mombi ngia ambʉkʉbaya a꞊kumunio akʉ 'ʉkɔmbɔ.

Ɓakpataka ɓambʉsa kʉɓɨakɨa Ɨsaʉ yɛɛ Iɗo ngiinanɨ mʉa kʉ 'uɓomu. Makʉʉɓɨɨ ambʉɓʉsalɨa amati ʉ kuu ngiindaɓʉ, ambunzo mapanʉ ngikʉndaɓʉ angu ɨngbaa kʉkyɨa ɓakɔkɔ kʉ di di di.]

Ambuɓusigio ɓɔ: « Nɔɔkwakɔmʉ ʉɓa. Na tʉkʉ kʉhata Yeso ʉ Najalɛtɛ iya ɓa꞉mʉɓakaka bɛ ekoo ʉ mʉsalaba. Ʉ꞉jʉkana akʉ ingyo jʉkananɨ, ambʉkɔmʉ tii ɓata aka. Ʉneni‑zʉ izi ngia ɓa꞉mʉnapɨa pongo‑ɔɔ.

Ɨkyɛmɨngana, iya ɓa꞉tɨna waja, ɓambʉna ikopi yɛɛ ɨja ngiinanɨ tiga itutue anambamba. Iya ɓa꞉kumunio nayɔ amati ʉ ɓʉnzaʉ, ɓambʉna mwana ʉ ɓandambʉ mʉngana ɓuwei akʉ ɨkɔndɔ yɨ guɔngɔ, ʉpɨnyeni kanzʉ ɔɔ tu. Ɓambʉkwa ʉɓa.