Oblíbené biblické verše z Romanus 12

Sdílet

Ka bo fasi suma ku mundu na fasi, ma bo disa Deus arnoba bo pensamentu, pa rabida bo manera di yanda. Asin bo ta pudi rapara kal ki vontadi di Deus, kil ki bon, i pirfitu, i sabi.

Asin ermons, pabia di garandi amor di Deus, N na pidi bos pa bo ntrega bo kurpu pa i sedu suma un sakrifisiu bibu, dedikadu son pa el, pa kontental. Es ki adorason ku bo dibi di fasi.

Bo kontenti na speransa ku bo ten, bo ten pasensa na foronta, bo pega tesu na orason.

Ka bu disa mal ngañau, ma ngaña mal ku ben.

Bo ama ŋutru di tudu bo korson, suma ermons. Bo da ŋutru purmeru lugar ku rispitu.

Ka bo ten amor finjidu. Bo nega mal; bo pega na kil ki bon.

Bo fasi mas ku bo pudi pa ten pas ku tudu jinti.

Ña ermons, ka bo vinga, abos propi, ma bo disal pa Deus, pabia i sta skritu kuma Siñor fala: “Vingansa i di mi. I ami ku na torna.”

Ka bo sedu divagarosu na tarbaju, ma bo sedu kinti na spiritu pa sirbi Siñor.

Pabia di tarbaju ku Deus dan, N ta konta kada un di bos pa ka i pui si kabesa na lugar ki ka yangasa, ma kada kin ta pensa pa si kabesa pensamentu justu, suma midida di fe ku Deus dal.

Ka bo torna ningin mal pa mal. Bo buska sedu retu dianti di tudu jinti.

Bo sedu unidu entri bos. Ka bo buska garandesa ma bo sedu amigu di jinti umildi. Ka bo oja na bo kabesa kuma bo sibi.

Asin, “Si bu inimigu tene fomi, dal pa i kume. Si i tene sedi, dal pa i bibi, pabia si bu fasi asin, bu na fasil rostu kinti ku borgoña.”

Bo pidi benson pa kilis ku ta pirsigi bos. Bo bensua elis; ka bo maldisua elis. Bo kontenti ku kilis ku sta kontenti, bo cora ku kilis ku na cora.

Bo juda krentis ku ten nesesidadi, bo sedu gasijadur di ospri.

Suma ku na un kurpu i ten manga di parti kada un parti ten si tarbaju diferenti, asin tambi anos no ciu, ma no sedu un kurpu son na Kristu. Kada kin sedu un parti ku liga ku utrus.