Oblíbené biblické verše z Atus 2

Sdílet

Pedru fala elis: “Bo ripindi, kada un di bos, bo batisadu na nomi di Jesus Kristu, pa bo pekadu pudi purdadu. Asin bo ta risibi Spiritu Santu ku Deus na da bos

E kontinua sempri na risibi nsinamentu di apostolus; e ta tenba sempri kumuñon ku ŋutru; e ta rapati pon juntu, e fasi orason.

Na ki ora elis tudu e fika incidu ku Spiritu Santu; e kumsa na fala na utru linguas, suma ku Spiritu da elis puder di fala.

Di repenti i bin di seu un baruju suma di bentu forti di turbada; i inci dentru di kasa ke staba sintadu nel. I parsi elis suma lingua di fugu ku rapati, i sinta riba di kada un delis. Na ki ora elis tudu e fika incidu ku Spiritu Santu; e kumsa na fala na utru linguas, suma ku Spiritu da elis puder di fala.

E kontinua junta na kasa di Deus kada dia, ku un sintidu son; e ta rapati pon na kasa, e ta kume juntu ku kontentamentu, di korson limpu, e ta ngaba Deus. Tudu jinti ta fika kontenti ku elis. Kada dia Siñor ta buriba kilis ki na salba, pa si igreẑa kirsi.

Deus fala asin: ‘Na ultimu tempu N na darma ña Spiritu riba di tudu jinti. Bo fijus macu ku femia na anunsia rekadu di Deus; bo jovens na oja visons; bo omis garandi na ba ta suña.

Tudu krentis fika juntu; kusas ke tene, tudu juntadu. E ta bindiba se kusas di balur ku se terenu, e rapati entri elis tudu, konformi kada kin pirsisa.

Na ki tempu, tudu algin ku coma nomi di Siñor i na salba.’

Sol na bida sukuru; lua na bida sangi antis di ciga ki dia garandi i gloriosu di Siñor.