Oblíbené biblické verše z इफिसियों 5

Sdílet

हे, प्यारे नहाँन्ड़िया तुँऐं पंण्मिश्वर के अलाद असो, ईन्देंखे तिनके जिऐ बंणों; प्यार की बाटो दे चालो, जेष्णों मसीया ऐ तुँओं आरी प्यार कोरो, अरह् आच्छ़ी खुष्बू बणियों आपु अमाँरी ताँईऐं पंण्मिश्वर के साम्णिऐं भेंट बंणियों बल़ीदाँण करी दियों।

ईदेखे सुओं करियों देखो, के तुँऐं केष्णी चाल-चालो, बैसम्झ के जैष्णें ने, परह् बुद्धी-माँन के सँमान चालो। सदा बख्तो का मोका किम्त्ती जाँणों, किन्देंखे के ऐजे देसो बुरे असो।

अंगुरोह् के शाड़े अँदें रंस शे मंतवाल़े ने बणें, किन्देंखे के ईदे लई लूचपंण हों, परह् पबित्र-आत्त्मा शे भरपूर हंदे ज़ाव, अरह् आपु मुझी भजन, अरह् स्तुति गाँन, अरह् आत्त्मिक गीत गाऐया करह्, अरह् आप्णें-आप्णें मंन दे प्रभू के साम्णें गाँदे अरह् बजाँदे रंह्। अरह् सदा बादी बातो खे अमाँरे प्रभू यीशू मसीया के नाँव शे पंण्मिश्वर का धन्यबाद कर्दे रंह्।

ईदेखे बैसम्झ ने बंणे, परह् ध्याँन शो संह्म्झों के प्रभू की हिछ़या का असो।

हे घरवाल़ों, आप्णी-आप्णी घरवाल़ी आरी प्यार थुऐं, जेष्णाँ मसीया ऐ भे कलीसिया आरी प्यार करियों आपु आपु खे तिनकी ताँईऐं देऐ दिता।

किन्देंखे के तुँऐं तअ आगे ईनाँरे दे थिऐं, परह् ऐबे प्रभू के त्तेज-प्रकाश दे असो; तअ: त्तेज-प्रकाश की अलाद के संमाँन चालो

मसीया के आदर-ईज्जत दे ओका ओकी के बंष दे रंह्।

हे घरवाल़ियों, आप्णे-आप्णे घरवाल़े की ऐशी बंष दी रंह् जेष्णी प्रभू के।

परह् तुँओं मुँझ़ी भे ऐक नाँम आदमी आप्णी घरवाल़ी आरी, आपु जेष्णों प्यार करह्; अरह् घरवाल़ी भे आप्णे घरवाल़े का आदर-ईज्जत्त करह्।

ईदेखे आदमी आप्णें माँ-बाबा छुड़ियों आप्णी घरवाल़ी आरी मीलियों रंह्, अरह् से दुन्ने ऐक तंन बंणीं ज़ाँव।

जुण्जे लोग ईनाँरे के नीषफल़ काँम-काज़ करह्, तुँऐं भे तिनके साथी ने बंणे; परह् तिनखे ऐजो बुलो, के ऐजे बुरे काँम-काज़ तुऐं भे ने करे; अरह् तुँऐं तिनू भे सम्झाऐ