Oblíbené biblické verše z 2 कुरिन्थियों 1

Sdílet

अमाँरे प्रभू यीशू मसीया के पंण्मिश्वर अरह् बाबा का धन्यबाद हुआ चेंई, जू दया-रंय्म का पिता अरह् हर प्रकार की शाँण्त्ति का पंण्मिश्वर असो। से अमाँरे ऐक नाँम दु:ख-कल़ैष दी शाँण्त्ति दियों; जू आँमें तियों शाँण्त्ति के जाँणें जू पंण्मिश्वर आँमों खे दियों, तिनू ओकी खे शाँण्त्ति देऐ सको; जू साँत्त-भाँत्ते दु:ख-कल़ैष दे पड़े अंदे असो।

किन्देंखे के जैष्णें मसीया के दु:खो के आँमें हिस्सेदार असो, तैष्णें ही आँमें तियों शाँण्त्ति दे भे मसीया के जाँणें हिस्सेदार असो।

अरह् आँमें ऐजो जाँणी पाव के ऐतलो अमाँरी मंऊँत्त नंजीक असो, तबे अमाँरे आप्णा भूर्षा च़ूटी गुआ थिया, परह् पंण्मिश्वर जू मरे अंदे मुँझ्शे भे ऊबे जीयाल़ो

अरह् जू आँमों तुँवारी गईलो मसीया दे पाक्के करह्, अरह् जिन्ऐं अमाँरा चुणाँव करी थुवा, सेजा ही पंण्मिश्वर असो, जिन्ऐं आँमों गाशी छाप-मुँहर लाऐ थऐ, अरह् जाँमनी खे पबित्र-आत्त्मा अमाँरे सासो दी देऐ थऐ।

जे आँमों दु:कल़ैष भेटो, तअ से तुँवारी शाँण्त्ति अरह् छुट्कारे की ताँईऐं असो; जिन्दें का असर लई तुँऐं धीरज-सबैर करियों सेजे दु:ख-कल़ैष संऐ पाव, जुण्जे आँमों भे सहणें पड़ो।