Oblíbené biblické verše z 1 कुरिन्थियों 13

Sdílet

पियार सबैर असो, अरह् कृपा कर्णो वाल़ा असो; पियार डाह्-जल़्ण ने करदा; पियार आप्णी बड़ियाऐं ने करदा, अरह् शियाँगिन्दा ने आथी, से गलत चाल ने चाल्दा, से आप्णी भलाऐ ने चहाँदा, से घिप्दा-काँणिंदा ने, से बुरो ने माँन्दा।

से बाद्दी बातो सऐन करह्, सोभी बातो का बिश्वाष अरह् सोभी वातो का भोर्षा करह्, अरह् सोभी बातो दा सबैर मारो।

पियार की खुशी कू-कर्म दी नें, परह् सच्चाई दी असो।

परह् ऐबे बिश्वाष, भूर्षा, अरह् पियार, ऐजे चींन्ने अट्ल़ असो, परह् ईन्दों सोभी शो जादा पियार बोढ़ो असो।

पियार कद्दी-कद्दी भे टल़्दो ने; भर्मबाँणी हों, तअ से खत्त्म हंदी; भाषा हों, तअ से भे ज़ाँदी रंह्दी; अरह् जे ज्ञाँन हों, तअ से भे मिटी ज़ाँदा।

जे हाँव आदमी अरह् स्वर्गदूत्तो की बुली बुलू, परह् पियार ने करू, तअ हाँव ठंणठणाँदों पीतल, अरह् छण-छणाँदी खाँजरी असो।

अरह् जे हाँव बरंम्बाणीं करी सकू, अरह् बादे भैद् अरह् साँत-भाँते ज्ञाँन जाँणू सम्झू, अरह् मुँह ऐथै तोड़ी पुरा बिश्वाष हों, के हाँव धार-टिम्बड़ी भे हटाऐ देऊँ, अरह् हाँव पियार ने करू, तअ हाँव किऐ ने आथी।

जे हाँव आप्णी बादी घरोवची कंगाल-गरीबो कैई शी खियाऐं देऊँ, के आप्णी देह्-शरीर जल़ाणों खे देऐ देऊँ, अरह् पियार ने करू, तअ मेरा किऐ फाय्दा ने आथी।

जबे हाँव बालक थिया, तअ हाँव बालक जिया बुलाँऊ थिया, मेरा बालक का जिया मंन थिया, मेरी बालक की जेऐ संम्झ थी; परह् जबे हाँव बड़ा हऐ गुआ, तबे मेरी बालक की जेऐ आद्त छुटी गई।