Oblíbené biblické verše z Taneng 13

Sdílet

O minaolay to citanengay a tamdaw i, o cacitaneng cingra, o minaolay to maapaay a tamdaw i, o mamapakaroray cingra.

O mina'onay to sowal a tamdaw i, o limlaay to 'orip, nikawrira, o pacfa sanay a somowal i, o mitkopay to tireng ningra.

O caay pisti' to wawa a palatamdamdaw i, o caay ka olah to wawa ningra, o maolahay to wawa i, ca^des ko pipasifana' ningra to wawa ningra.

Ano malasawad ko nisafaloco'an i, matoled ko faloco', ano malahci ko nisafaloco'an i, matiya o ci'oripay a kilang.

Madipot no mo^celay a dmak nangra ko awaay ko raraw a tamdaw, nikawrira, o sakatfad no ciraraway a tamdaw ko tatiihay a dmak nangra.

Ano caay ko nika rorayan iso ko sakacidafong iso i, ranikay a malasawad, ano nano nika rorayan iso ko sakacidafong iso i, caay ko mamalasawad ko dafong iso.

O palowaday to sakacacoli ko misatakaraway a faloco', o citanengay a tamdaw i, mitngil to pisalof no tamdaw i cingraan.

Misiday to dafong ko nga'ayay a tamdaw to saki tloc ningra, nikawrira, misoped to dafong ko ciraraway a tamdaw to mamalo no mo^celay a tamdaw.

O citanengay a wawa i, mitngil to pipasifana' no mama ningra, nikawrira, o malata'angay a tamdaw i, caay pitngil to pitoro' no tamdaw to patlac ningra.

O mamalapakosiya a mapakangodo ko mana'ayay a salofen, nikawrira, o kahmekan no tamdaw ko mitngilay to pisalof no tamdaw.