Oblíbené biblické verše z Rom 12

Sdílet

Yi ryok cat myim ka̱sa kani ba, ma yi wwon Ka̱za a̱ shei ndya nyin na sa̱rei, yi gi bvwo ka̱sak ka Ka̱za kan cat yin cong ni -- kyang a ku myim ni na̱ bo pfong ansham nkpa ni, nkpa yet yi bvwo kyang a na̱ cat ku bu yet a̱zizrak ni.

To, ba̱wumbeyang, n ya naai rot dizot ti Ka̱za ka hok a̱za̱ njit ni, yi wrak a̱ccu nyin da̱ni di a̱zizrak a̱truk ba̱hyum u a̱ byyi sucet ni, yi myim Ka̱za. Iyemi a̱mi yet dikwwa ti myim zi yya ni.

Yi ryok nkyang a yin tyyi ndya ni na ya ryi sai rya. Yi yya hakuri ka̱yat ka̱bvung ka yi sswa ni, i yya a̱duwa kozan ka̱ram.

Yi ryok wwon a̱ka̱tuk a̱ sswa cet nyin ba, seko yi ku ra tyyi da̱ a̱tsatsak.

Yi ya gwai di ba̱wumbeyang ni i diyrek Yesu, yi tyong ba̱yaan ya ra̱u.

Dolet cat njit a yet a̱tsatsak, zi rak a̱ka̱tuk nkyang i breng a̱tsatsak nkyang.

Bvwo ka̱sak ka a nin cong ni i gi swat ansham bu koyan.

Ka̱ a̱yin a̱ na̱ yya na̱kpot, a ryok cat sseng ni tan ba. Wwon an bvak Ka̱za, rot Ka̱za a̱ hywa i ba̱ryat nka ba, “Kozan na̱kpot, nzuk a̱mi ni ba̱ tan ni.”

Koyan a̱ yya pfong di cet i wwon ran. Yi yya Ka̱za dikwwa ansham bu ka̱ryong ka̱yat ndya nyin.

Rot za̱nang ji Ka̱za ka n nang ni, n ya tyyei da̱ a̱yin a̱ ryok ya breng ka̱bvwa ka Ka̱za kan wi ku sak ni ba, se koyan a̱ yya a̱tsatsak a̱huhwa, koyan a̱ mai diccu nu ba̱cicrak bu tyyi rya na Ka̱za ka ku nang ni.

Ka̱ a̱yin a̱ na̱ yya ka̱tuk, a ryok ma̱ ku yya ka̱tuk ba. Yi yya kyang a ni myim koyan ni.

Yi swat ansham bu ba̱yaan. Yi ryok ya cin ba, ma bvei dirywai bu ba̱nyet dizot, da̱ nyin ba ni ya breng di ba̱nyet a̱za̱ncyi ni ba.

Ma kyang a myim yi yya ni nkpa yet kyang a ba̱ryat Ka̱za ba ba hywa ni, “Ka̱ a̱ra̱ndwan nwan a̱ pfong cihywat, a ku nang kyangya; ka̱ a̱ pfong na̱shyi, a ku nang kyang sswa. Ka yya a̱mi ba̱ nu, a ku tung a̱crang ndong a̱mi.” [A ni ku tyyi na̱ tuba.]

Ba̱nyet ba a̱ yya da̱ nyin ni yi naai Ka̱za ka ba̱ wwon nda. Yi ryok naai Ka̱za ka ba̱ ssing ba; yi wu ka̱ naai ka ba̱ pfwa nda. Ba̱nyet ba a̱ shyi i ba̱gwai ni yi gwai ba̱ mba, ba̱nyet ba a̱ shyi i ka̱nak i yi kun ba̱ mba.

Nkyang a yi byyi ni yi brang ba̱nyet tssup ba a̱ sang ni; i gwai ba̱yecen ba a̱ cong i na̱sa nyin na ni.

Zi byyi nkap na shii ka̱tswa an dwam njit a. Kozan kap byyi pfong nkpa. A̱mi meyang njit ba̱nyet ba mon diccu i tssup Yesu Kristi ni zi shii ka̱tswa. Zi mon i tyyi rwam yring.