Oblíbené biblické verše z Filibi 4

Sdílet

Yi ryok kula bu kyang ba, ma ka̱yat kozan kyang, seko yi naai i yya a̱duwa bu gwai, yi tyyei Ka̱za kyang a yi naai i kozan ka̱ram.

A̱mi Ka̱za ka nin ya ryi myyi rya nka na a̱ seyak ka̱rek ka a̱neywu na̱ nin bvwo sa̱rei ni, nying na ni tot ndya ba̱nyet tssup a ka̱yat Yesu Kristi ni.

Ba̱wumbeyang, a̱ngbom kyang u n ni ya tyyei ni nna yet, yi tyyi ndya nyin na̱n hywat bu nkyang a yet a̱tsatsak n maai a̱didyep ni, nkyang a yet nying ka̱ryong ni, nkyang a byyi shii ni, nkyang a myim ni, nkyang a yet a̱zizrak ni, nkyang a byyi ba̱nyet shok ni, bu nkyang a ba̱nyet ba gwai ni. N cat yi hwa nkyang ani ansham.

N ni maai sseng n yya kozan kyang ka̱yat cet Yesu Kristi, a̱tuba nu a̱ n jyet cet rya ni.

N cat yi gwai kozan ka̱ram ta ka̱rek mon a̱ccu nyin bu A̱gwam njit Yesu. N bo hywa, yi gwai!

Ka̱za nzuk ka i dityok nka ti a̱ byyi shya ba̱t. Nka a̱ ni ya ryi sa̱rei nkyang a yi cat i. Yi ni na̱ san mbvak Yesu Kristi.

Nkyang a n ya zzek n bo wwon a mbvak nyin ni, nkyang a yi hok ka̱nu nzuk ni bu nkyang a yi cyang i swat nzuk a ni, yi na̱ yya; Ka̱za ka a̱ za jyet myyi rya ni a̱ ni swrang ba̱ nyin.

Yi yya hakuri bu koyan; yi bvwo A̱gwam njit u a̱ bvwot ba̱nyying.

N bvwo kyang a yet dizot, n bvwo kyang a yet shya ni. N ka̱n myyam ka̱sak ka nkyang ani na nin ni maai sa̱rei. Kozan ka̱ram, koke n ni n shyi n bvwo diwat ti n ni nswat ni, ko i cihywat ko i diswak, ko i dizot ko shya.

Ba n shyi i dizot nkpa n byyi n ni n hywa a̱mi ba, rot n ka̱n myyam ka̱sak ka kozan kyang a n byyi ni ku ni n ni maai ni.