Oblíbené biblické verše z Afisa 5

Sdílet

Da̱ni di yin yet na̱won na Ka̱za ka hok ansham mba ni, se yi cong da̱ nka ni. Dolet ndya nyin na i tyyi nhywaai bu cat ba̱yaan da̱ni di Kristi na̱n za cat hat a̱ wrak sso nu a̱zi hywak njit ni, da̱ni da̱ a̱tsatsak ka-kyang bu ba̱hyum ba Ka̱za ka hok ansham mba ni.

Rot a̱mi se yi cam taka̱i swat nyin na. Yi ryok swat di ba̱gbyik ba̱nyet ni ba, seko yi swat di ba̱nyet a̱za̱ncyi ni. Ki a shya ka̱ram a ryok byyan ba, rot nnom a yet a̱ka̱tuk.

Yi ryok hyong nkwwa, rot na byyan bu rwam; seko yi wu nhywat Tswa Ka̱za a ndwam nyin na. Kozan ka̱ram yi ryat bu ba̱yaan ka̱yat dyep ba̱ a̱zizrak a̱bvom; yi bvom i bu dyep A̱gwam njit u ka̱yat ndya nyin ka. Ka̱yat kozan kyang yi gwai Ka̱za A̱tyyi njit u mi ka̱yat diyrek Yesu Kristi.

Yi ryok swat-swat ba̱bvwon ba. Se yi kwan i bvwo kyang a A̱gwam njit u na̱ cat yi yya ni.

Ba̱ntyok ba, se yi cat ba̱nyring nyin ba ka̱sak ka Kristi na̱n cat ba̱nyet tssup har a̱ wrak diccu nu a̱zi hywak mba ni.

Nyin ma yi yi yen shyi an dyin, ma nyyai yin tyyi ba̱nyet A̱gwam Ka̱za yi nwa ka̱bvwa sai. Se ka̱cyet nyin ka a̱ ryi di ba̱nyet ba a̱ cong i ka̱bvwa sai ka ni.

Sa̱rei nyin ba̱nyet tssup ba yi wrak ba̱yaan a̱ccu nyin rot tyong a yi tyong Kristi ni.

Ba̱nyring nyreng, yi wrak a̱ccu nyin di ba̱ntyok nyin ba, da̱ni yin wrak A̱gwam njit u a̱ccu nyin ni.

Ku si bu ryi a̱mi da̱ nyin. Kozan a̱ra̱ntyok a̱ cat a̱mbyring nu di diccu nu ni. Nyin meyang ba̱nyring ba, yi pfong ba̱ntyok nyin ba.

Da̱ni di ba̱ryat Ka̱za ba ban hywa ni, a̱ra̱ntyok ba̱ a̱mbyring a̱ yet rwam yring, “Nkpa n byyi a̱ra̱ntyok na̱ nin wwon a̱na nu ba̱ a̱tyyi nu a̱ mon ba̱ a̱mbyring nu, ba tung a̱ tyyi rwam yring.”

Yi ryok kula da̱ a̱kpam nkyang u ba̱nyet ba yya na yet nying ndyin ni ba; se yi wu wruk ba̱ na ba mi a̱za̱kpai.