Oblíbené biblické verše z João 15

Sdílet

— Uva-tsa pixkalutno hita. Hixni hiplu. Hiplu hita hwatshripa hiyrunu hita nimwaleru-plu pixkalutu, hixo sahiplu. Seyni hita mwakatu hikeko hkochpaka.

Hita hwanu hiyrunu nwanhi hixa. Klu tshinanu uva plu hi himukata sahiwleta waleko hmixkonu tshinanu tsonu seyni rujhalu hiptshe hyokajikowaka. Waneko pixka hixatshinhi hixa. Klu tshinanu hixa hike himukata kochpakleta hita hma yokakkanuklunu.

Hita himwini hiyrunu ntokanu hixa hitokote hwanu, halukanru kluneruktako hanjixini, wale hyoptotanu.

Hixa hi nuretno hita seyni hitako nuretatkahi hixa hiyrunu nenek-kamrurethi hyiywakapa, Hoyakalu halukanru hkamhiywaka, rawhohnekanaxyawakapa hkamrure. Waneyakni kluneruktako hanjixinri Nuru Hoyakalu, hita nhiwaka tshinanu hanjixinri, renekanhi.

Hikeni xye yohnik-hichiniklewatatshri, satu yineru rimatletanune kachrijru rupniywaka.

Ptowruka hita hwatshri plukaka masahitu Hoyakalu kastakanru. Hiyrun-koxa ptowru plukaka kasahiru wale hihletlu hsahiwpotuxyawakapa.

Xyekni ntowuxyahi pirana, hichinikakjexyawaka, hita hichinijyawakhi pixka.

Nuru Hoyakalu himalwutko hix-potu sahi pixkalutu hsahiwaxini. Wan-hixatshinephi nasruklene.

— Hitni uva-tsa halikakalutu pixkalutno. Nuru Hoyakalu uva-cha hislahatshrini.

Katukta hi himwano, hiplu hiknokkaluru pixkalutupni. Riprihanu hiplu hiyáhoni rapatjetka yineya waneya tshitshmero ruknokkana. Hyoxikka hiplu.

— Xye pirana nunkakhi, numuwle himwatshine himukatatshinephi, hiyrun-koxa hpoyikowaxyawaka hike mahatatka.

Ntowuxyahi homkahixini hi nutuk-hichiniklethi. Nuru Hoyakalu tokanu nomkahjexyawaka pixka. Hiyáhoni hi rutuk-hichinikletno.

Xyekaka pirana ntowuthi, Hichinikkakanu.

Xye tshijne hajeneymalune hixkamka waneyamka hamotko hixa wannanu pixka. Seyni xye tshijne hajeneymalune hma mixyawakanu tshinanni, hiyrunu nurethi xye tshijne hajene hmixyawakanu tshinanu, xye tshijne hajene hahnanuthi.