Oblíbené biblické verše z Isaiah 55

Sdílet

TOPA in, “Ka ngaisutnate note ii ngaisutna taw kibang ngawl a, ka paiziate note ii paizia taw kilamdang hi.

Leitung panin vantungte a saan za in, keima paizia le ka ngaisut ziate sia no ii paizia le no ii ngaisutna ziate sangin saang zaw pek hi.

Tu in TOPA hong nai ahiciang, ama kung zuan vun a, ama tungah thungen vun.

Mi seksolte in amate ii nuntakna zia nusia tahen a, a ngaisutna zia kheal tahen. TOPA ih Pathian kungah amate in zuan tahen; TOPA in hong hesuak thei a, mawna hong maisak papai hi.

TOPA in, “A dangko theampo awng, hong pai tavun — hi lai ah tui om hi! Hong pai tavun, no sum nei ngawlte awng — an lei vun a ne vun! Hong pai tavun! sapittui le khuinoai lei vun — nang atu bangma man ngawl tu hi!

“Ka kammal sia leitung tuibuak tu in van pan hong taaksuk vuuk le nguatui taw kibang hi. Tuate in ankungte khangtosakin ciin tu anciite le neak tu an piangsak hi. Keima pau kammal sia zongh tuabang ma hi tu a — sep tu a ka ngealna bangin taangtung a; ka sawl teng theampo seam tu hi.

“Lungdamna taw Babylon na nusia tu uh hi; kilemna taw khuapi pan hong kipaipui tu hi. Mualliante le mualnote in lasa tu uh a, thingkungte lungdam in au tu uh hi.

“Tu in ngai vun, ka mite awng, ka kungah hong pai tavun; ka kungah hong pai tavun tua hile nuntakna na nga tu uh hi! Note taw thuciamna kho khat ka vawt tu a, David tungah ka kamciamsa thuphate kong pia tu hi.