Oblíbené biblické verše z Yoana 8

Sdílet

Mbe, Yeesu akagendererya okugamba ega, “Oni nooni endingaasi ya ekyaro. Omuntu wowonse unú aranseeta oni, atakugenda mukisunte kora orusiku orumwi, nawe, aribha na endingaasi inú eramoorokererya mubhuhoru bhwa koko.”

Kweki muraamanye obhuheene, na obhuheene bhuyo, bhuribhatuura mubhwiyagaari.”

Mbe, Yeesu akakeerya Abhayahudi bhanú bhaamwikirirya ega, “Nyoore muragendererya okugwata ameehigiryo gaani, hayo nho muraabhe abheehigira bhaani bha heene.

Mbe, nyoore Omwana wa Waryubha aribhasibhura murwe mubhusarya bhwenyu, mutaribha abhagaya kweki, nawe, muribha abheeyagaari heene.

Hanú bhaagendererya okumubhuurya, Yeesu akeemirira, akabhakyukya ega, “Nyoore ariho oumwi gati yeenyu unú ataana obhusarya, abhe owa okwamba okumutema omukari unu na erigina.”

Yeesu akabhakyukya ega, “Ndabhakeerya obhuheene ega, omuntu wowonse unú aragendererya okukora obhusarya, uyo m-mugaya wa obhusarya.

Kimwi, Yeesu akeemirira, akamubhuurya ega, “Maayi, bharingi-ha bhanú bhaari bharakujongera? Bhoono, atariho kora oumwi unú atamiri, naho akubhuturire ekiina?” Akamukyukya ega, “Omukuru, atariho kora oumwi.” Mbe, Yeesu akamukeerya ega, “Kora oni ntakukubhuturira ekiina. Genda, nawe, okwambira reero, otakora kweki obhusarya.”]