Oblíbené biblické verše z Amakorwa ga Abhatumwa 5

Sdílet

Petero na abhatumwa abharikyaye, bhakabhakeerya ega, “Tureenderwa okumwigwa Waryubha, okukira abhantu!

Bhataatiga okwihigirya abhantu na okubharaarikira Amangʼana Amajomu ega, Yeesu ngʼo Kiristu Omutuurya. Bhaagendererya okwihigirya na okuraarika eginsiku gyonsego murubhanja rwa erisyengerero erikuru rya Waryubha na muginyumba gyabho.

Nawe, Petero akamukeerya ega, “Uuwe Anania! Ndeegwa Erisambwa risoheri mumutima gwaho, na rikukoreri ogambiri obhubheehi ku Mutima Omurabhu? Ogambiri ega, oreeteri gyonsego, enu weetamiirye egimbirya egindi ginú waanyoora kubhugurya bhwa omugunda! Eribhaga waaringa okyari okugurya omugunda, gwaringa gwaho, na hanú waamara okugugurya, egimbirya giyo, gyaringa gyaho, okaagitumiiri kya ego oreenda. Bhoono, kwaki wamwiri mumutima gwaho, okukora eringʼana kya rinu? Otagambiri obhubheehi kubhantu, nawe, ogambiri obhubheehi ku Waryubha!” Anania hanú yeegwa amangʼana gayo, rumwigo, akagwa hansi, akakwa. Abhantu bhonsego bhanú bheegwa eringʼana riyo, bhoobhoha bhukongʼu.

Mbe bhoono, ndabhatongera ega, mubhahaatire abhantu bhanu! Mutabhakorera eringʼana ryoryonse eribhiibhi. Nyoore emirimu gyabho ginu, gyaseemibhwa na abhantu, girihwa egyene. Nawe, nyoore emirimu giyo, n-gya Waryubha, mutakunagya okubharibhira, muraabhe muramuhakaanʼya Waryubha omwene.”