Oblíbené biblické verše z aRoma 1

Sdílet

Vawi Mitchaka Yaphama henakúliha muru; vawi eri ikuru sa Muluku sawavulusha atchu othene óroromela; opacherya mYuda, navetho mHelene.

Vawi mummo mohonihiwa ekhaikhai ya Muluku yorwela o nroromeloni: ntoko orempwaya, Nyenya mutchu ékhaikhai anarwa‐akhala mukumi ni nroromelo.

Vawi, opachushiwa wopachushiwa elapo ya vathi sohóneya phama sóhóneya saya, ti ikuru saya sohikutchuwa ni Omuluku awe; ntakhara sisuwanyeiye ni itchu sopachushiwa, wi yawo ehirwe‐ekhaleno masu óhuchukula

ntakhara wi, nari yámusuwenlaya Muluku, heyámwerenle nchichimiho nomphwanelela Muluku, nave heyámuthamanle; nyenya yári atheru mu sawupuwelela saya, nave murima aya wohisuwela wárípa.

yawo yátatusha ekhaikhai ya Muluku okhala yawótha, ethamalela, eruméla yopachushiwa, ni omuhiya Mulipa‐opachusha owo, ti óchichimiheya mahiku óhikutchuwa. Amen.

Vawi esara ya Muluku, yorwela wirimu, ennoneya va ohithamala wothe wene ni ohikhala ekhaikhai wa atchu, yawo enatchichérya vathi ekhaikhai múhikhala waya ékhaikhai

Ntakhara a ela Muluku áháveléla yawo wa sotchunatchuna sawúliha muru: vawi nari athiana aya yátatusha merelo aya óyariwano ekhale merelo óhilikana ni óyariwano awo: nave emohamohatho alopwana yáhiya merelo óyariwano a athiana, eviherihana ni yotchunatchuna aya mukina ni mukhwawe, alopwanaru yáhérelana sawúliha muru, nave yáhákhela mwa yawo mekhaya yamahala yophwanela otcheka waya. Nave ntoko yawo yákhonchaya okhalano Muluku m’miruku aya, Muluku áháveléla o murima wawochéleya, yereke itchu sohiphwanelela

Volocha wi ari amiruku, yálosowa; etatusha nchichimiho na Muluku óhipahuwa, ephwaniherya ni yophwaniherya ya mutchu yowo onapahuwa, ni ya ipalame, ni ya inama sawéchécha, ni sawápasa.