Oblíbené biblické verše z Looma 10

Sdílet

Tso we bibaayaka mu usilasa buuna mu munywa a we ŋa busu bwa boosi ti Yisu ni Pfumu, na tso we bibaayaka mu usa imiinu mu mutima a we woosi ti, Nzambi asuula nde ŋa hati la ba bakwa, we sa yoboho.

Mu tooni ati, wu ubasa imiinu mutso mutima a nde Nzambi ukitula nde wa tsiitsa. Wu ubasilasa mu munywa a nde, Nzambi uyobolo nde.

Ni mu buuna, imiinu ubamata mu mambu ma bubayuha, na mambu ma bubayuha ubamata mu mambu ma Kristo.

Ni mu buuna Mabasonehe ma Ngidi mali mu uleele: «Woosi wu ubasa imiinu mu nde, a humono tsonyi ve.» A huli na lisobosono ŋa hati bibaayaka Bayudaayo na ba bavele Bayudaayo ve: bo boosi Pfumu mumosi wu ubava busina bwa nde huli boosi ba bubateele nde. Mu tooni ati, Mabasonehe ma Ngidi mali mu uleele: «Woosi wu uteele Pfumu mbila, sa ayoboho.»

Buni milongisi myusoloho tso a batsindihi myo ve? We bu Mabasonehe ma Ngidi mali mu uleele: «Miilu mya bo mili mi mibwe, bo bana ba bali mu uyabisa misamu mi mibwe!»

Ka buni bo buuteele mbila huli wu bo bavelesa imiinu mu nde? Na buni bo buusa imiinu hwavele uyuha tsangu a nde? Na buni bo buuyuha tsangu a nde hwavele milongisi?

Mu tooni ati, Kristo ni kaluha Mikele mya Moose, mana boosi ba nga imiinu mu Yisu, baba ba butsiitsa ŋa busu bwa Nzambi.