Oblíbené biblické verše z Yowani 16

Sdílet

Me miinzabisa benu mambu mo maana, mana benu likangama mu me, benu libaha hyenze. Benu sa libwana mbingisili ŋa tsi. Ka baani na ibahala! Me amimbingala tsi!»

Ka bu nde huya, nde, Livupu li libaayabisa imbuli, nde sa abita benu mu imbuli hyoosi. Nde a huyambila mu nde mwakulu ve. Ka nde sa aleele moosi ma nde huyuha na uyabisa benu mambu ma muuya hu busu.

Natee bunuunbu, benu a laavondo pasi isiha mu nduhi a me ve. Vondwaani na benu sa liyaka, mana kinya benu yiba yi yasupahana.»

Bunuubu, mu mbuli me ndi mu undeele benu, hwafwana huli benu, me mu uyene. Mu tooni ati, me upelenzyene, Mukaliini a huya huli benu ve. Ka tso me nzyeni, me tsa tsindaha benu nde. Na bu nde huya, nde sa ayalusa mitima mya baatu ba tsi mo yiniiyi, ba baamiidunga mu dyaambu li masumu, li butsiitsa na la tsundusu a Nzambi.

Bunuubu, benu kaka lili na lingebe. Ka me tsa mbwemono benu, na mutima a benu sa abweba mu kinya. A hu li na tso muutu wu utwala umaasa benu kinya mo yiina ve.» «Mu ilumbu mo hiina, benu a luubweva me hyuhu mu pasi dyaambu ve. Mu mbuli, mu mbuli me ndi mu undeele benu, hi benu luvondo huli Taata, nde sa ava benu hyo mu nduhi a me.

Mu mbuli, mu mbuli me ndi mu undeele benu, benu sa lilila na benu sa likoto mu minyongo, ka baatu ba tsi sa baba mu kinya. Benu sa likoto mu lingebe, ka lingebe la benu sa lisobohono mu kinya.