Oblíbené biblické verše z Matyò 24

Sdílet

Ghɛ ə piə tə nə̂ ə nyi mə ghə waŋ ke luʼ tekɨ̂m ə kɔ̂ŋ ə tsɨ̀tsɨ̂ze sê ghəmɔ̀ʼɔ kɛse sayn. Pîza, mə ə wəynse pîndè zɨə ngəʼze kûmə̀ Mi se nduə tàyn ə kwùŋse, ə è zhi fɨ.

Ə tom èchùŋ zɨ̀nə̀ kûmə̀ èfɔ̂yn ə Fezhə̀vè waŋ ke luʼ tekɨ̂m ə mbi kə ghɨghe ə tendaʼ tèkɨ̂m ə ke səmɔʼ. Ə̀ nyì fumə ashìŋə̀ kə kwùŋseke tə pə̂.”

Ghàyn tə zɨə ə̀ghɛ kûmə̀ tèghɔŋ ə tyà, ə ghàyn fɨyn zɨ nə tîte paʼsə̂ pə̂ ndò. Ə ghàyn zɨ za, kə ghàyn fayn kûmə̀ nə ghɛ nə ghɨ̂yn kyi se kyàyn, pîza ə̀ vachi se tyə̀yn nə mbi mîə pə̂ ndò.

Ndaʼte tə nə̂ ə tə nô tîte, fɔ̂yntè e nô tîte, chɨ̀ŋ tə pə̂ ə è zə nyi, ə chike ə nəʼə̀ kə àkɨ̂m. Ghɛ nə ghɨ̂yn tə nə̂ ə nyi kə etɨ̂m əshi zɛ ə wùzhɔyn zɨə ashîŋə̀ kɛ è kyiŋə se pîə.

Kwutwəynve è chike tə tsɛ̂ ndô pîza, ghɛ zɨme tə ndamə faŋə kə ndò.

Ghɨ tə pə̂ se tsɨ̀ ə ghənə ə pîə nə, ‘Ə̀ nyi ghənə è vɛ ə chɔʼ ndə̂m.’ Ə ghənə kyiŋse tsɨ̀tsɨ̂ endom nə vɨ̂yn.

Ghɨ tə kyîə ghàyn ə fo ə ghɨghə gho ə ghənə tsɨfse ə zhwite ghàyn. Ndâʼà tekɨ̂m tə nə̂ ə tə pânə̀ ghàyn kè kûmə̀ Mi. Ghɨ tsɨə tə pfɨ̂ə ə ghənə epomə̂ fumə ashìŋə̀, ghɨə tə pəʼlə̂ ə̀ghɔ nyìə ə kɛsə̂ pânə̀ sèngɨŋ. Fɨ̀aʼtè sə akaŋse tə fɨə ə sə tsɨ̂ə kə nyi ə se kyiŋse ghɨ etsɨghe nə ghe chumte ghənə.

Njisə̀s ə pìə sê ghənə nə, “Ghàyn tɔʼne kə wùə tə kyîŋsè ghàyn.

E za tyə̀nə̀ nə nâʼà ghàyn kyi kepî sə̂ pɨaʼtə̂ nâʼàpi ashìŋə̀ àkè, kûmə̀ nə Va wùə tə kɛsə̂ pə̀ ashìŋə̀ kɛ, ə ghàyn kwâʼtə̀ va nə è kàʼa è pəyn ətəyn.”

Ghàyn epfɨ̂tə̀, kûmə̀ nə ghàyn ke va tuʼ vɛ ə Pɛ̂pɛ vâyn tə pə̀ ətəyn.

Nâʼà wùə èmɔ̀ʼ ke va tuʼfe è shîŋə̀ kɛ ə ghɛ nə ghɨnə tə kyânə̀ ətəyn, pî sètsì ekwùtwəyn, pî Vayn ke va è tsɛ̂ kə va pɨ̀a kə È ke shîŋə̀ kɛ ə ghɛ ghɨnə tə kyânə̀ ətəyn.

Kûmə̀ nə ghɨə etsɨə tə fɨə pə̂ ə tsâ nə ə nyi vɛ ə chɔʼ ndə̂m è fɨ̀aʼtè sə akaŋse ə sə tyə̂nə̀ sèchwìə sekwə̂mnəse, mɔ̂mə̀ əghɛ kayntə kè se mɔ̀msè se fe nə ghənə nyiə kaʼa ə kyiŋse nâʼàpi ə̀ghɨ ghɛ Zhə̀fè se nyi mə fe ə chɔʼ se sɔzà.

Pə Vâ Wùəzè tə nə̂ ə zə nyi ke kə eghɛ zɛ ə ze tè kyâyn ə Nuwà ashìŋə̀. Kûmə̀ fumə ashìŋə̀, tsɔfə kə mo mə ègholə̀m lwiynse mbi èkɨ̂m, ghɨə tè zhiə ndo, mɨə, ndômnə̀ è zənə e malə̂ se zaʼâ əfetuʼ fɛ ə Nuwà tè nji ə ngwùʼ èghaʼâ. Ghənə tè pâʼà ke ghɛ zɛ ə ze kyânə̀ se kɔʼɔ zaʼâ ashìŋə̀ kɛ ə mô mə ègholə̂m tè tso ə lwiynsə̂ mbi ə ndiŋsə̂ maʼà ghənə əkɨ̂m. Ə̀ nyì kepî nyiə mə kə ze tə pə̂ ə zə nyi ezhoghɛ ə Vâ wùə pə̀yn.